InfoHub Logo

ءبىلىم بەرۋ سالاسى: تانىم
ۇيىمداستىرىلعان وقۋ ءىس - ارەكەتى: ماتەماتيكا.
تاقىرىبى: «زات قانداي پىشىننەن قۇرالعان»
ديداكتيكالىق ويىن.
ماقساتى: بالالاردىڭ ساندى ساناۋ، تۋرا جانە كەرى ساناۋ، گەومەتريالىق پىشىندەردى اجىراتىپ ايتىپ ءبىلۋىن بەكىتۋ.
ديداكتيكالىق ويىندار ارقىلى ساناۋدى، تۇستەردى اجىراتۋدى جالعاستىرىپ، زاتتىڭ قانداي پىشىننەن قۇرالاتىنىن ۇعىندىرۋ. جۇمباق ايتۋ ارقىلى بالالاردىڭ ءتىلىن جەتىلدىرىپ، قاراپايىم ماتەماتيكالىق ۇعىمدارىن، لوگيكالىق ويلاۋ قابىلەتتەرىن ارتتىرۋ. اينالاداعى قورشاعان ورتا -
مەن سالىستىرا وتىرىپ گەومەتريالىق پىشىندەردى اجىراتا بىلۋگە داعدىلاندىرۋ.
گەومەتريالىق پىشىندەر تۋرالى بىلىمدەرىن كەڭەيتۋ.
اڭعارىمپازدىققا، تاپقىرلىققا تاربيەلەۋ.

ۇيىمداستىرىلعان وقۋ ءىس - ارەكەتىنىڭ ءادىس - ءتاسىلى: ساياحاتتاۋ، ساناۋ، سۇراق - جاۋاپ، كورسەتۋ، ءتۇسىندىرۋ، ويىن.
ۇيىمداستىرىلعان وقۋ ءىس - ارەكەتىنىڭ كورنەكىلىگى: ۇلكەن ۇلگىدەگى جانە بالالارعا ارنالعان ۇلەستىرمەلى گەومەتريالىق پىشىندەر،
1 - 5 دەيىنگى ساندار، ويىنشىقتار، سۋرەتتەر، پوەزد گەومەتريالىق ۇلگىدەگى ۆاگوندار.
سوزدىك جۇمىس: تەپلوۆوز، ۆاگون، پوەزد.
ءپان ارالىق بايلانىس: كوركەم ادەبيەت، قورشاعان ورتا.

ۇيىمداستىرىلعان وقۋ ءىس - ارەكەتىنىڭ بارىسى.
موتيۆاسيالىق قوزعاۋشى:
- بالالار بۇگىن ءبىز «پىشىندەر الەمىنە» ساياحاتقا بارامىز. ول ءۇشىن پوەزعا ءمىنۋىمىز كەرەك، ءبىزدىڭ پويىزىمىز جاي پوەزد ەمەس «عاجايىپ پوەزد» قاراڭدارشى ۆاگوندارى كوپ ەكەن، تۇستەرى بىردەي ما؟
- جوق بىردەي ەمەس، ءارتۇرلى
- ۆاگوننىڭ تۇستەرى قانداي ەكەن؟
- قىزىل، سارى، كوك، جاسىل.
- ءبىزدىڭ پوەزىمىزدى العا سۇيرەۋشى «تەپلوۆوز» دەپ اتالادى، قانە قايتالاپ جىبەرەيىك.
- تەپلوۆوز.
- ال پوەزدىڭ رەتىن سانايىقشى.
- 1، 2، 3، 4، 5
- بالالار سەندەردىڭ قولدارىڭدا بيلەتتەرىڭ بار، سول بيلەتتە كورسەتىلگەن سان بويىنشا ۆاگوندارىڭا وتىرىڭدار. (بالالار ۆاگونعا وتىرادى)
- ءبىزدىڭ عاجايىپ پوەزىمىز قالا ارالىق پوەزد، سوندىقتاندا باراتىن جەرىمىزگە تەز جەتەمىز. مىنەكەي «پىشىندەر الەمىنە» كەلىپ جەتتىك، قاراڭدارشى قانداي كەرەمەت، ورتادا تۇرعان ۇستەلدەرگە وتىرا قويىڭدار.

ۇيىمداستىرۋشى
بىرنەشە بالادان نەشىنشى، قانداي ءتۇستى، قانداي ءپىشىندى ۆاگونمەن كەلگەنىن سۇراۋ. ( مىس. 3 - ءشى، قىزىل ءتۇستى، ءۇشبۇرىشتى ۆاگونمەن كەلدىم.)
- بالالار، ءبىزدىڭ كەلگەن پىشىندەر الەمىنىڭ سەندەرگە ارنالعان تاپسىرمالارى بار ەكەن، سول تاپسىرمالاردى ورىندايمىز با؟
- ارينە ورىندايمىز.
- ولاي بولسا مەن ءقازىر سەندەرگە جۇمباق جاسىرايىن.
- ءبىر نۇكتەدەن باستالىپ ەش كەدەرگىسىز كەلىپ توقتايتىن قانداي ءپىشىن؟
- دوڭگەلەك ءپىشىن
- دۇرىس ايتاسىڭدار، قانە دوڭگەلەكتى اۋادا سالايىقشى.
- ەندى اينالامىزعا قاراپ وسى دوڭگەلەك پىشىنگە ۇقساس زاتتاردى تابايىقشى. ( ۇقساس زاتتاردى ايتادى)
- بارلىق قابىرعالارى بىردەي قانداي ءپىشىن؟
- ءتورتبۇرىش. (اۋادا سالۋ، ۇقساس زاتتاردى تابۋ)
- ال ءۇش قابىرعاسى بار قانداي ءپىشىن؟
- ءۇشبۇرىش. (اۋادا قايتالاۋ، ۇقساس زاتتى تابۋ)
- بۇل جۇمباقتىڭ شەشۋىن جاقسى تاپتىڭدار، ءقازىر ءبىز «زات قانداي پىشىننەن قۇرالعان» دەگەن ويىن وينايمىز. ول ءۇشىن مەن سەندەرگە تاعى بىرنەشە جۇمباق جاسىرسام تابا الاسىڭدار ما؟
جاسىل ينە كيىمىم،
جايلايمىن تاۋ بيىگىن.
جاڭا جىلدى تويلاساڭ
تورىڭدەمىن ءۇيىڭنىڭ. بۇل نە ەكەن؟
- بۇل شىرشا
- دۇرىس ايتاسىڭدار، بۇل شىرشا ەكەن.
- بۇل شىرشا قانداي پىشىننەن قۇرالعان؟
- ءۇشبۇرىشتان.
- باسىندا شەلەك قالپاعى،
ءسابىز ەكەن تاناۋى.
قىستا قاردان جاسايدى،
تاۋىپ كورشى سەن ونى.
(اققالا)
اققالانىڭ قانداي پىشىننەن قۇرالعانىن انىقتاۋ.
- ءۇش بولىكتەن، دوڭگەلەكتەن ت. ب
- ءتورت قابىرعاسى، ەسىگى، شاتىرى بار ول نە ەكەن؟
(ءۇي)
- ءۇي ءتورتبۇرىش
ءۇيدىڭ قانداي پىشىننەن قۇرالعانىن نەشە بولىكتەن تۇراتىنىن تابۋ.
- بالالار سەندەر كولىكتىڭ قانداي تۇرلەرىن بىلەسىڭدەر؟
- گازەل، اۆتوبۋس ت. ب
- مىنا سۋرەتتەگى قانداي كولىك؟
- جۇك كولىگى
- جۇك كولىگى قانداي پىشىننەن قۇرالعان؟
(بالالار قانداي پىشىننەن قۇرالعانىن تابادى.)
- جارايسىڭدار بالالار، بۇل تاپسىرمانى جاقسى ورىندادىڭدار، ەندى كەلەسى ويىنىمىز «قاي پىشىنگە ۇقسايدى؟» دەپ اتالادى. بالالار سۋرەتكە قاراپ ۇقساس پىشىندەردى ورنالاستىرادى.
(تاقتاعا بىرنەشە بالا شىعىپ جۇمىس جاسايدى)

سەرگىتۋ ءساتى: تۇرىپ دەم الايىق،
وڭعا، وڭعا ءتۇزۋ تۇر.
سولعا، سولعا ءتۇزۋ تۇر.
العا قاراي ءبىر ادىم،
ارتقا قاراي ءبىر ادىم.
جوعارى - تومەن قارايىق،
ورنىمىزدى تابايىق.
بالالار جۇمىسى: گەومەتريالىق پىشىندەردەن ءار ءتۇرلى بەينەلەر جاساۋ.
اققالا، ءۇي، شىرشا، جۇك كولىگىن جاساۋ.

رەفلەكسيۆتى
كوررەكشى
بالالاردى ورىندارىنان تۇرعىزىپ، قايتاتىنىمىزدى ايتىپ پوەزعا الىپ كەلۋ.
- بالالار ءبىز پىشىندەر الەمىنە كەلگەندە پوەزىمىز نەشەدەن باستاپ تۇر ەدى؟
1 - 5 كە دەيىن
- ال ەندى قالاي تۇر ساناڭدارشى.
- 5، 4، 3، 2، 1
- پوەزىمىزدىڭ ساندارى كەرى قاراپ تۇر ەكەن. بارلىق پوەزدار باراتىن باعىتىنا تۋرا ءجۇرىپ بارادى دا، قايتاردا سوڭىنان سانالىپ ياعني كەرى سانمەن قايتادى ەكەن. ەندەشە بىزدە سول باعىتپەن قايتامىز.
بارىڭدە ءوز بيلەتتەرىڭ بويىنشا وتىرا قويىڭدار.

كۇتىلەتىن ناتيجە:
ءبىلۋى: بالالار گەومەتريالىق پىشىندەردى اجىراتىپ 1 - 5 كە دەيىن
تۋرا جانە كەرى ساناي بىلەدى.
مەڭگەرۋى: زاتتاردىڭ قانداي پىشىننەن قۇرالاتىنىن مەڭگەرەدى.
جاساي الۋى. ۇلەستىرمەلى ماتەريالداردان بەرىلگەن تاپسىرمانى ءوز بەتىنشە ورىنداي الادى.