InfoHub Logo

زەينۇر ساباق  دايىنداۋعا وتىردى. بۇگىنگى تاپسىرما ولەڭ جاتتاۋ ەدى. «جازعىتۇرىم قالمايدى قىستىڭ سىزى..» — دەپ شاپشاڭداتا وقي باستادى. اپ-ساتتە ءبىر شۋماعىن جاتتاپ تا ۇلگەردى. ولەڭدى جاتتاپ الماي ەشتەڭەگە بۇرىلماۋعا سەرت قىلدى. ءسويتىپ وتىرعاندا دوسى مارات كەلە قالماسى بار ما؟!.

— ءجۇر، زەينۇر، قىزىق كينو كەلىپتى. بالالاردىڭ ءبارى سوندا كەتتى.

— جوق، مارات، مەن بارمايمىن، ولەڭ جاتتاۋىم كەرەك.

— كەلگەن سوڭ-اق جاتتاپ الارسىڭ، كەتتىك، — دەپ قيناپ ەدى، كونبەگەن سوڭ مارات جۇگىرە جونەلدى.

— جازعىتۇرى قالمايدى قىستىڭ سىزى… قويشى، مارات ايتقانداي  كەلگەن سوڭ دا جاتتاپ الۋعا بولادى. قىزىقتان قۇر قالاتىن بولدىم.

— ءاي، مارات، توقتا-ا! — دەپ تەرەزەدەن موينىن سوزىپ ايقايلاپ جىبەردى. ءبىراق ونى ەستىر مارات جوق، الىستاپ كەتتى.

كينودان كەلگەن سوڭ زەينۇر ولەڭدى قايتادان جاتتاي باستادى. سويتكەنشە بولعان جوق، دوستارى سىرعاناققا جينالىپ قالدى. تاۋ بوپ ۇيىلگەن كۇرتىك قاردان  تومەن قۇلديلاپ، بالالار ەكەۋ-ەكەۋلەپ شانامەن سىرعاناق ويناي باستادى. «جوق، ەشقايدا شىقپايمىن، ولەڭدى قالايدا جاتتاپ الۋىم كەرەك»، — دەدى زەينۇر ىشتەي كۇبىرلەپ. ايتسە دە ۇزاق وتىرا المادى. سىرتتاعى بالالاردىڭ شۋىلى الاڭداتا بەردى.

— قويشى، ەرتەمەن تۇرىپ جاتتاپ الامىن عوي، — دەگەن وي كەلدى. سول-اق ەكەن، كيىمىن شالا-پۇلا كيىپ، دالاعا جۇگىرىپ شىقتى.

كەشكى تاماقتان سوڭ قالعي باستادى. ولەڭ جاتتاۋعا شاما جوق. «ەرتە تۇرىپ پىسىقتارمىن، ەندى كوپ قالعان جوق قوي»، — دەدى دە زەينۇر قالىڭ ۇيقىعا كەتتى. ەرتەڭىندە كەش ويانىپ، مەكتەپكە قاراي جۇگىرىپ بارا جاتتى.

---