Zhas Project جوباسى كوپ جاستارعا قولداۋ بولدى
ءبىز 2020 جىلدىق Zhas Project جوباسىنىڭ جەڭىمپازدارىمىز. جاستار كورپۋسىن دامىتۋ جوباسى – بۇل جاستارعا ارنالعان بىرەگەي باعدارلاما، ونىڭ شەڭبەرىندە جاستارعا ءوز كاسىبي جانە كوشباسشىلىق داعدىلارىن ارتتىرۋعا، سونداي-اق جەرگىلىكتى حالىققا پايدا اكەلەتىن ءوز الەۋمەتتىك جوباسىن ىسكە اسىرۋعا مۇمكىندىك ۇسىنىلادى. جوبانىڭ شەڭبەرىندە 14-تەن 29 جاسقا دەيىنگى جاستارعا (29 جاستى قوسا العاندا) الەۋمەتتىك جوبالارىن ىسكە اسىرۋ ءۇشىن 1 ملن. تەڭگەگە دەيىن گرانتتار بەرىلەدى، سونداي-اق ومىرلىك ماڭىزى بار داعدىلارعا وقىتۋ جۇرگىزىلەدى. العاشقى ۋاقىتتا ونلاين ساباقتان الارىمىز بولار ما ەكەن؟ دەگەن قورقىنىش بولاتىن. دەگەنمەن، قورقىنىش پەن الاڭداۋشىلىق بەكەر بولىپتى. ونلاين ساباقتاردى ءوتۋ بارىسىندا شىنىندا، كوپ اقپاراتقا قانىق بولدىق. الدىمەن، كوماندا مەن توپتىڭ ايىرماشىلىعى نەدە، مىقتى كوماندا ولشەمدەرى قانداي بولۋى كەرەك، كوماندا مۇشەلەرى كىمنەن تۇرادى، جوبانى باسقارۋ قۇرالدارى قانداي، پيچينگ دەگەن نە قانداي تۇرلەرى بار دەگەن سۇراقتارعا ناقتى مالىمەتتەر الدىق. سونىمەن قوسا، اي سايىنعى مەنتورمەن كەزدەسۋىمىز تاعى بار. مەنتور-جاس تا بولسا بىلىكتى، ەرىك-جىگەرلى كىسى-ابدىكالىكوۆ سۇلتانعازى اعاي. ول تەك قانا جوبا بارىسىنداعى سۇراقتار مەن قيىندىقتارعا كومەكتەسىپ قانا قويماي، وسى باستاعان ءىستىڭ ءوز جالعاسىن تاۋىپ، كاسىپتىڭ بەرەكەسىن كورۋگە ىقپالىن تيگىزۋدە. قارجىلىق ساۋاتتىلىق ساباقتارىن دا ءوتىپ، ءبىلىمىمىزدى سيتۋاسيالىق سۇراقتارمەن ءبىراز شىڭداي ءتۇستى. جوبانىڭ ەسەبىن جازۋدا، جوبا ماتەريالدارىن يگەرۋ بارىسىنداعى ءارتۇرلى قيىندىقتار كەزىندە كوورديناتورىمىز مارجان اپايمىزدىڭ كومەگى زور. بۇنداي جوباعا ءبىرىنشى رەت قاتىسىپ جاتقاندىقتان، وسىنشا قولداۋشىلار مەن جول سىلتەر اعا-اپايلارىمىز بار دا ۇيرەنەرىمىز كوپ ەكەنىنە تاعى دا كوزىمىز جەتتى.
جوبامىز «سەن سۇلۋ»-اسەمدىك سالونىنا نەگىزدەلگەن. ءبىز قىزمەت ەتەتىن ماقساتتى توبىمىز-كوپ بالالى انالار، الەۋمەتتىك جاعدايى تومەن جاندار، جۇمىسسىز جاستار، قىز-كەلىنشەكتەر، جەتىم جەتكىنشەكتەر جانە جالعىزباستى انالار. ءبىز وسى اتالعان جاندارعا تەگىن قىزمەت كورسەتىپ ، 1 كۇندەرى بولسىن نازىكتىككە تولى، قۋانىشتى وتكەنىن قالايمىز. سونىمەن قاتار، جاستاردى ءوزىمىز بىلەتىن قىزمەتكە ۇيرەتىپ ، ادال نانىن تابۋعا كاسىپكە ۇيرەتۋگە تىرىسامىز.
وسىنداي كەرەمەت مۇمكىندىكتى جاستارعا ۇسىنعان جاس پروەكت جاستاردىڭ باعدارشامى دەۋگە بولادى. جوبانى ۇسىنعان ق ر ءبىلىم جانە عىلىم مينيسترلىگى مەن دۇنيەجۇزىلىك بانككە راحمەت! ارماندا! ماقسات قوي! ىسكە اسىر!
جانساكوۆا تولعاناي مارات قىزى
Zhas Project جوباسىنىڭ جەڭىمپازى
You Might Also Like
-
بالالار وزەن جاعاسىنان ءبىر ءيىرىم تاۋىپ الىپ، قارماقتارىن سۋعا لاقتىردى. وزدەرى جاعادا تۇرىپ، سۋ بەتىندەگى قالتقىلارىنا كوز تىكتى. توقتاردىڭ قارماعىنىڭ ىلمەگى بىردەن باتىپ كەتتى. قالتقىسى سۋ بەتىندە...
-
سىرتتا جاڭبىر جاۋىپ تۇر. تەرەزەگە جاقىنداپ دالاعا قارادىم. كۇڭگىرت الەم. تومەن قاراي ءتونىپ قاتۋلانعان اسپان. جاڭبىر. ءاربىر تامشىسىنىڭ ءوز ءۇنى، ءوز تىلەگى بار ءتىرى جاڭبىر. ۇستى-ۇستىنە توگىلگەن سايىن ك...
