InfoHub Logo

تاقىرىبى: «زورلىق - زومبىلىقسىز وتباسى»
ماقساتى: بالا تاربيەسىندە اتا - انانىڭ الاتىن ورنىنىڭ ەرەكشە ەكەنىن ءتۇسىندىرۋ؛ اتا - انا بويىنا وزدەرىن تاربيەشى ءمۇعالىم رەتىندە قاراۋدا قىزىعۋشىلىقتارىن دامىتۋ؛ بالامەن دۇرىس ءتىل تابىسۋعا، بالامەن قىسىم تۇسىرمەي، زورلىق – زومبىلىقسىز قارىم – قاتىناس ورناتۋعا باعىت بەرۋ.
كورنەكىلىگى: ۇلاعاتتى سوزدەر جازىلادى: «تاياقتاۋ وڭاي، تاربيەلەۋ قيىن»، «بالاقان ءوسىرۋ — بالاپان ۇشىرۋ ەمەس»، «بالا نەنى بىلسە جاستان، ۇيادان — ولە ولگەنشە سونى تانىر قيادان»، كەستەلەر، ۆيدەوروليكتەر ت. ب
ءى. بايانداما «زورلىق – زومبىلىقسىز وتباسى» اتتى بايانداما مازمۇنىمەن تانىستىرىپ، اڭگىمەلەسۋ جۇرگىزۋ.
قايىرلى كۇن قۇرمەتتى اتا - انالار، ۇستازدار جانە قوناقتار! بۇگىن سىزدەر «زورلىق – زومبىلىقسىز وتباسى» اتتى اتا - انالار جينالىسىنا جينالىپ وتىرسىزدار.
قوش كەلدىڭىزدەر!
1. ۇيىمداستىرۋ كەزەڭى.
2. تىنىشتىق ءساتى.
3. كىرىسپە
بالا - ادامنىڭ كەلەشەگى، بالانى تاربيەلەۋ، قوعامنىڭ ساپالى مۇشەسى ەتىپ ءوسىرۋ اتا - انانىڭ ارداقتى بورىشى. بالا جاسىندا قالاي تاربيەلەنسە، ەسەيگەندە سونى ىستەيدى. حالقىمىزدا «بالانى جاستان» دەگەن ماقال بار. ءبىراق ۇنەمى «ۇيتپە، بۇيتپە» دەپ وتىرسا دا بالا ىنجىق، جاسقانشاق بولادى. ءبىراق، بالا تاربيەلەۋدىڭ ءجونى وسى ەكەن دەپ، تاربيەدەن تىس قاتالدىق كورسەتۋدىڭ ءوزى بالا ومىرىنە ءقاۋىپ تۋعىزادى. قاتالدىق كەرەك دەسەك تە... تاربيەلەۋدىڭ دۇرىس جولدارىن قولدانعان ءجون. بالا بىلۋگە قۇمار، كورگەنىنە ەلىكتەگىش، تۇسىنبەسە سۇراعىش، كوكىرەگى تازا، سىنشىل جانە شىنشىل بولادى. بالانىڭ بويىنداعى وسى قاسيەتىن ساقتاۋ ءۇشىن وعان تۋرا شىنشىل، ادامگەرشىلىك تاربيە كەرەك. قازىرگى ۋاقىتتا بالالاردىڭ تەليەۆيزور، كومپيۋتەردەردەن كورەتىنى ۇرىپ - سوعۋ، جان - جانۋارلاردى جابىرلەۋدى كورەدى. وسىنى كورگەن بالا ىشتەي نەنىڭ دۇرىستىعىن، نەنىڭ بۇرىستىعىن تۇسىنە بەرمەيدى. ادەتتە تەرىس قىلىقتان كەيىن جازا تۇرادى.

بالا اتا - اناسىنىڭ جازاسىن ادىلەتسىز جازا دەپ سەزىنەدى. ءبىراق بالاعا نە ءۇشىن جازالانعانىن دۇرىستاپ ويلاندىرعان ءجون جانە بالا ءوزىن اتا - انانىڭ ورنىنا قويىپ، ءوز قىلىعىن ولاردىڭ كوزىمەن كورۋگە تىرىستىرۋ كەرەك. «اكە كورگەن وق جانار، شەشە كورگەن تون پىشەر» دەمەكشى بالاعا وتباسى تاربيەسىنىڭ اسەرى مول. تاربيەگە اسەر ەتەتىن وسكەن ورتا، اتا - انانىڭ تاربيەسى دۇرىس بولماسا، بالاعا كەرى اسەر ەتەدى. وتباسىنداعى اتا - انانىڭ مىنەز - قۇلقى بالاعا ۇلگى - ونەگە الاتىن باستى نىساناسى بولماق. سونىمەن، ءومىردىڭ جەكە - دارا تۇلعاسى بولعاندىقتان، بالانىڭ ءوز قۇقىعىن قورعاۋ كونۆەنسياسىن قولداي وتىرىپ، مەكتەپتە 19 - 28 كاراشا ارالىعىندا «زورلىق - زومبىلىقسىز بالالىق شاق» اتتى رەسپۋبليكالىق اقپاراتتىق ناۋقان بويىنشا مەكتەپىشىلىك ءىس - شارالار وتكىزىلۋدە.

بۇگىنگى كەزدەسۋ «زورلىق - زومبىلىقسىز بالالىق شاق» اتتى رەسپۋبليكالىق ايلىققا ارنالادى. جينالىسىمىزدى باستاۋعا رۇقسات ەتىڭىزدەر.
ادامعا جاسىنان بۇلاق سۋىنداي ءمولدىر، ايناداي تازا بولىپ ءومىر سۇرۋگە ماشىقتاندىرۋ ءۇشىن اسا ۇلكەن تاربيە كەرەك.
فيلمنەن ءۇزىندى كورەيىك «بالالىق شاق».

ارينە، بۇل ءومىردىڭ قىزىق كەزدەرى.
ءسابي نەنى بىلەدى دەپ، نەمقۇرايلى ويلاعاندىقتان بولىپ قاتەلەسىپ جۇرگەن جاعدايىمىز دا از ەمەس. نارەستە سويلەي الماسادا ءبارىن تۇسىنەدى. سوندىقتان ونىڭ قاسىندا كەلەڭسىز جاعداي جاساۋعا، بىلاپىت سويلەۋگە، ايقاي - شۋ كوتەرۋگە بولمايدى. ءار اتا - انا بالاسىن جاقسى ادام بولسا ەكەن دەپ ارماندايدى. الايدا، ول تەز ارادا تاماشا ادام بولا قويمايدى. ول ءۇشىن وزدەرى اراسىن سىپايى قاتىناسىپ مادەنيەتتىلىك تانىتۋمەن قاتار، وعاش مىنەز شىعارماۋى قاجەت. «بالاپان ۇيادا نەنى كورسە ۇشقاندا سونى ىلەدى»- دەگەن اتالى ءسوز سودان قالعان. كەيبىر اتا - انالار بالانى ۇرىپ سوعىپ، قورقىتىپ تاربيەلەيمىن دەپ قاتەلىك جاساپ تا ءجۇر. بۇل جاقسى تاربيە بولمايدى دا، كەرسىنشە سول بالانىڭ قاتىگەز بولۋىنا نەمەسە قورقاق بولۋىنا ىقپال ەتەدى. قاتال بولساڭىز بالاڭىزدى رەنجىتىپ، جۇرەگىنە قاياۋ سالاسىز.