InfoHub Logo

0-synypty oqytýdyń máni men maqsaty - balabaqshalardaǵy daıarlyq toptaryna biryńǵaı baǵdarlamalar men oqýlyqtardy engizý. Bul týraly QR Bilim jáne ǵylym mınıstrliginiń baspasóz qyzmeti málim etti.

QR Bilim jáne ǵylym mınıstrliginiń Mektepke deıingi jáne orta bilim departamentiniń habarlaýynsha, mektepaldy daıarlyq synybyn (0-synyp) engizýdiń máni óte qarapaıym. Basty maqsat - balalardy birinshi synypqa biryńǵaı baǵdarlama boıynsha daıyndaý. Onyń ishinde birinshi synyp baǵdarlamasynyń bir bóliginiń (sandar men álipbı) 0-synyp baǵdarlamasyna aýysýy, sondaı-aq tárbıeshilerdiń dárejesin bastaýysh synyp muǵalimderiniń dárejesine deıin jetkizý. 0-synyp úshin biryńǵaı baǵdarlama men oqýlyqtardy engizý 2020 oqý jylynyń qyrkúıegine josparlanyp otyr.

Atap aıtqanda, búginde 0-synyp - balabaqshadaǵy daıarlyq toby.

«Eger de mekteptiń óz ǵımaratynda 0-shi synyp uıymdastyrýǵa múmkindigi bolsa, oǵan tolyqtaı quqyǵy bar. 0-synypty engizý quqyǵynan balabaqshalardy eshkim aıyrǵan joq. Osylaısha, 2020 jyly elimiz boıynsha barlyq mektepter men balabaqshalarda 0-synyptar ashylady. Alaıda qoldanystaǵy Bilim týraly zańnamada balalardy 6 jastan 1-synypqa barýǵa mindetteıtin norma bar. Zańnyń atalmysh normasyna ózgeris engiziledi», - delingen mınıstrlik habarlamasynda.

2019 jyly, ıaǵnı byltyrǵydaı 1 qyrkúıekte tolyq 6 jasqa tolatyn balalar 1-synypqa bara alady. 1 qyrkúıekke deıin 6 jasqa tolmaǵan balalar ata-ananyń qalaýymen mektepke bara alady nemese balabaqshada qalýyna bolady. 7 jasar balalar da birinshi synypqa qabyldanady. «Eger de bala mektepaldy daıarlyq synybynyń baǵdarlamasyn balabaqshada meńgerse, mektepte ony qaıta oqı almaıtyndyǵyn jáne 1-synypqa barýy kerektigin eskerýimiz qajet»,- deıdi mınıstrlik ókilderi.

---