InfoHub Logo

Kishipeıildik kisini kórikti etedi deıdi, biraq uıalshaqtyq qyzmet-mansapta jáne jeke ómirdegi jetistikke kedergi keltiredi. Bul maqalaǵa biz «qysylý» degen qoraptan qalaı shyǵyp, adamdarmen tıimdi qarym-qatynas ornata bastaý týraly psıhologtardyń eń jaqsy aqyl-keńesterin jınadyq.

Kez kelgen máseleni sheshýdi ony taldaýdan bastaǵan abzal. Ózińizge yńǵaıly jaı jasap alyp, ımenip qalǵan kezderińizdi izdep jadyńyzǵa saıahatqa shyǵyńyz. Bul oqıǵalardy qaǵazǵa túsirińiz, jazý barysynda barynsha ózińizben shynaıy bolyńyz. Az-kem egjeı-tegjeılerdiń ózi qaǵazǵa túspeı qalmasyn, dál solar sizdiń ımenshektigińizdiń basty sebebi bolyp shyǵýy múmkin.  

Eger áńgimelesip otyryp ózińizdi kórsetýge ımene bergen bolsańyz, onda kimdermen sóıleskenińizdi mindetti túrde qaǵazǵa túrtip qoıyńyz. Ol adamnyń jynysy basqa bolǵany úshin uıalyp qalǵan bolýyńyz múmkin. Bizdiń taldamamyz úshin bundaı usaq-túıekterdiń mańyzy zor.  

Siz problemany alýan túrli quramdas bólikterge bólip qoıyp shyqsańyz, ol endi birdeńe isteýdi bastaýǵa bolatyn qandaı da bir tıanaqty qurylymǵa aınalady.  Bul úshin túzilgen tizimińizdi azdap qana jáne qatty alańdatatyn jaǵdaılarǵa bólińiz. Bul sizdiń ımenshektigińizdi eńserý jónindegi josparyńyz bolmaq.  

Sizdi azdap qana alańdatatyn jaǵdaılardy eńserýden bastańyz. Jeńisterińizdiń kóbeıýine qaraı alǵa jyljý úshin kóńilińizge senimdilik uıalap, boıyńyzǵa qýat darıdy.   

Imenshektigimizdiń eń úlken sebebi, kóbine, óz-ózimizdi tómen baǵalaýymyzda jatady. Sondyqtan, siz ózińizdiń jaqsy qasıetterińiz ben jaqsy jaqtaryńyzdy jazyp shyǵatyn taǵy bir tizim jasaý qajet. Bul óz baǵańyzdy joǵarylatýdyń jáne kóńilińizge senimdilik uıalatýdyń jaqsy amaly. Sizge dıalogty úzbeı sóılesip otyrý qıyn shyǵar, biraq, esesine siz jaqsy tyńdaýshysyz.  

Oqýǵa keńes beremiz:

Áp-sátte senimdiligińizdi artyrýdyń 5 ádisi

Ózimizge degen senimdilikti joǵaltatyn 5 nárse

Djon Rokfeller bergen chek

Senimdilik — jetistiktiń bastaýy

Aıyna birneshe ret bolsa da, ózińizge jańa nárselerdi istep kórýge tyrysyńyz. Bul sizge ózińizdiń jaılylyq aýmaǵyńyzdan shyǵyp, jańa jaqsy qasıetterge ıe bolýyńyzǵa múmkindik beredi. Sportzalǵa jattyǵýǵa jazylyńyz nemese qyzyqty dáris tyńdap qaıtyńyz. Únemi ózińizge tán emes nárseni isteýge tyrysyńyz. Jańa tanysqan adamdar men olarmen jaqsy aralasý burynǵy ımenshektigińizdi eńserýge múmkindik beredi.  

Oqýǵa keńes beremiz: Jaıly aımaqtan shyǵý úshin 3 sebep

Kóńilimizde alańdaý sezimi bolsa, denemizdiń tili ony op-ońaı bildirip qoıady. Kóz taıdyrý, úzdik-sozdyq sóıleý, eńseniń túsip ketýi bizdiń senimsizdigimizdiń belgileri bolyp tabylady. Osy beısanaly ádetterińizdi olarǵa qarama-qarsylaryna aýystyrsańyz, ózińiz de ózgerip shyǵa kelesiz.

Oqýǵa keńes beremiz:

Júre bitken sharasyzdyq

Qarabaıyr oılaý sheńberinen qalaı shyǵýǵa bolady

Nege jaǵymsyz adamdar tabysqa jıi keneledi

Basqalardyń oıyna óte táýeldi ekenińizdiń 10 belgisi

Aınaladaǵylardyń barlyǵy sizge qarsy bolsa, ne isteý kerek

Bul ádetten aýlaq bolyńyz, keri jaǵdaıda eshteńege qol jetkize almaısyz

Erik kúshin damytý men nyǵaıtý joldary

---