InfoHub Logo

Aqtaýda 7 qarasha, jeksenbi kúni keshke eki qabatty kafede jarylys bolyp, ǵımarat tolyǵymen qırady. Abyroı bolǵanda zardap shekken jandar joq.

"Jarylysqa baılanysty aýrýhanalarǵa áli eshkim júgingen joq", — dedi jergilikti bılik jeksenbi kúni keshke taratqan málimdemesinde. Jeksenbi kúni keshke tótenshe jaǵdaı ornynda ondaǵan qutqarýshylar men arnaıy tehnıka jumys istedi. "Jarylystyń sebebi men buzylý aýmaǵy anyqtalýda",-dep túsindirdi jergilikti baspasóz qyzmeti.

Jol boıyndaǵy keshendegi jarylys sáti beınebaqylaý kameralarynda tirkeldi.

Departament basshysy orynbasarynyń aıtýynsha, jarylys ornynda zardap shekkender tabylǵan joq. Buǵan deıin ol "Sherqala" saýda kesheniniń ıesi qyzmetkerlerdiń jarylys bolǵan ǵımarattan jergilikti ýaqyt boıynsha 20:00-ge deıin (Máskeý ýaqytymen 18:00) ketkenine sendirdi.

Aqtaý qalasynyń ákimi Nurdáýlet Qılybaı jarylys bolǵan jerde kınologtar jumys istep jatqanyn, ázirge zardap shekkenderdiń eshqaısysy medısınalyq kómekke júginbegenin atap ótti, dep habarlaıdy jergilikti portal informburo.kz. qutqarýshylardyń aıtýynsha, jarylys saldarynan kafeniń janynda ornalasqan 11 kólik zardap shekken. Portaldyń málimetinshe, eki qabatty "Sherqala" kesheninde "Aıanat" dámhanasynan basqa tigin fabrıkasy, qoıma jáne tehnıkalyq qyzmet kórsetý stansıasy bolǵan.

Jarylys, jergilikti turǵyndardyń aıtýynsha, 7 qarasha kúni keshke saǵat 21:20-da (Máskeý ýaqytymen 19:20) bolǵan. Kásipkerlerdiń aıtýy boıynsha, órt sóndirýshiler úıindiler astynan taǵy kógildir otyn toly eki balondy izdep jatyr.

Abaı Ámireev, jeke kásipker: – Bala-shaǵamdy alyp shyǵyp ketkenmin. Saǵat 19.30 shamasynda. Ózim jaýyp qulyptap ketkenmin. Qasymda tokar bar, elektrık bar. Arǵy jaǵymda taǵy elektrıkter, ashana bar. Olardy endi men bilmeımin. Jaýap bere almaımyn.-deıdi. 

Aıta keteıik bundaı jaǵdaılar elimizdiń biraz óńirinde oryn alǵan. Sebep kógildir otyndy durys paıdalanbaý dep túıdik.

Derekkózder: 24.kz saıty,informburo.kz,  tengri.news.

Aqerke Bısenǵalı

---