InfoHub Logo

QR Bilim jáne ǵylym mınıstrligi jalpy bilim beretin mektepterdiń 9-12 synyp oqýshylaryna arnalǵan Kásiptik baǵdar kúnin engizip jatyr, dep habarlaıdy BNews.kz.

Bul sharalar oqýshylardyń bilim alýyna kedergi keltirmeı, joǵary oqý oryndaryn jarnamalaý júıesin retteýdi kózdeıdi.

«Endi kásiptik baǵdar kúni ár aıdyń 2-shi jáne 4-shi senbisinde 2 akademıalyq saǵat ishinde ótetin bolady. Mektepterge arnalǵan biryńǵaı standartty keste jasalady, ol boıynsha joǵary oqý oryndary mektepterde oqýshylarmen kezdesý ótkizý jóninde ótinim beredi. Jalpy bilim beretin mektepter ótinim bergen joǵary oqý oryndarymen toqsan saıyn Kásiptik baǵdar kúnin ótkizý kestesin túzedi», - dep aqparat taratty QR BǴM baspasóz qyzmeti.

Eger joǵary oqý oryndary oqýshylardy testileýden ótkizýdi josparlasa, onda ony mektepten tys nemese kolejde ótetin Ashyq esik kúnderi sheńberinde uıymdastyrýy tıis.

Kásiptik baǵdar kúni sheńberindegi kezdesýler ár JOO-ǵa mektepterde aqparattyq jumys júrgizýge quqyq bere otyryp, keshendi kásiptik baǵdarlaý júıesin qurýǵa jol ashady. Mektep túlekterine ózekti mamandyqtar men bilim alý múmkindikteri týraly aqparat beriledi. Kezdesýler senbi kúni ótkiziletindikten ata-analar balalarmen birge JOO-larmen jáne kolejdermen tanysýǵa múmkindik alady.

---