InfoHub Logo

Inovasıalyq ádister men oqytý tehnologıalaryn qoldanýdyń tıimdiligi
Bilim berý úrdisin aqparattandyrý – jańa ınovasıalyq ádister men oqytý tehnologıalaryn qoldaný arqyly damyta oqytý, dara tulǵany baǵyttap oqytý maqsattaryn júzege asyra otyryp, oqý - tárbıe úrdisiniń barlyq deńgeıleriniń tıimdiligi men sapasyn joǵarylatýdy kózdeıdi. Birikken Ulttar Uıymynyń sheshimimen «HHİ ǵasyr – aqparattandyrý ǵasyry» dep atalady. Qazaqstan Respýblıkasynda ǵylymı - tehnıkalyq progrestiń negizgi belgisi – qoǵamdy aqparattandyrý bolatyn jańa kezeńine endi.

Oqytý úrdisinde ınovasıalyq ádister men oqytý tehnologıalaryn qoldaný muǵalim men oqýshy qarym - qatynasynyń burynǵy qalyptasqan júıesin, olardyń is - áreketteriniń mazmunyn, qurylymyn úlken ózgeristerge ushyratady. Qalypty bilim berý júıesinde muǵalim – oqýshy - oqýlyq túrinde qurylǵan úsh jaqty baılanys buzylyp, muǵalim – oqýshy - kompúter - oqýlyq júıesi paıda boldy. Mundaı júıede bilim berý oqytý prosesinde kompúterdi qoldaný bilim men biliktilikke qoıatyn talaptardy qaıta qarap, jetildirip, júıeleýdi talap etedi. Aqparattandyrýda tehnologıanyń negizgi baǵyty HHİ ǵasyrdyń talaptaryna sáıkes qoǵamdy damytýdyń joǵary tıimdilikti tehnologıalaryna súıengen jańa bilim strategıasyna kóshý bolyp tabylady. Osyǵan sáıkes qazirgi bilim júıesiniń erekshelikterine – onyń irgeliligi, aldyn alý sıpaty jáne olarǵa qol jetkizý múmkindikteri jatady.

Elbasymyzdyń joldaýynda: «Ulttyń básekege qabilettiligi birinshi kezekte bilim deńgeıimen aıqyndalady» - degen baılamy jeke adamnyń qundylyǵyn arttyrý, ony daıyndaıtyn ustaz jaýapkershiliginiń ósýi, tynymsyz eńbek, sapaly nátıje degen uǵymmen egiz.
Memlekettik bilim standarty deńgeıine oqytý úrdisin uıymdastyrý jańa pedagogıkalyq tehnologıany endirýdi mindetteıdi. Sondyqtan oqý - tárbıe úrdisine jańa ınovasıalyq ádis - tásilderdi engizý – oqýshylardyń bilimge degen qyzyǵýshylyǵyn, talpynysyn arttyryp, óz betimen izdenýge, shyǵarmashylyq eńbek etýge jol salady.