InfoHub Logo

Adam ómiriniń máni - logıkalyq emes, fılosofıalyq uǵym. Jer betindegi kez kelgen adam biregeı tulǵa. Al tulǵa retinde adamnyń minezi men dúnıetanymyn qalyptastyratyn ózine ǵana tán qasıetter jıyntyǵy bar. Temperamentke, tárbıege jáne tuqym qýalaıtyn faktorlarǵa baılanysty ómirlik qundylyqtar men adamnyń belgili bir máselelerge kózqarasy qalyptasady. Ýaqyt óte kele adam boıynda qalyptasqan minezderge saı adamdardyń ómirge degen kózqarastary ózgeredi. Jasóspirim kezinde adam ómiriniń mánin dostarymen kóńil kóterýden kóretin bolsa, al eresek jasqa qaraı onyń qundylyqtary túbegeıli ózgerýi múmkin jáne ol ómir mánin otbasylyq baqyttan, jaılylyq pen tynyshtyqtan kóre bastaıdy. Sondaı-aq, adam ómiriniń mánin joǵaltatyn kezder de bolady. Bul ár adamnyń ómirinde kezdesetin qıyn kezeń. Alaıda, adam ómiriniń mánin qanshalyqty joǵaltqanymen, búkil ómirine jańa mán izdeý úshin oılanýy kerek. Sebebi. ómiriniń máni joq adam - ​​rýhanı óli adam. Ómirdiń mánin joǵaltý adamnyń ómirin maǵynasyz jáne paıdasyz etedi. Mundaı ómirde adam baqytty bola almaıdy.

Adam ómiriniń máni nede degen suraqqa birneshe jaýaptar berýge bolady. Keı adamdar ómirdiń mánin baılyq pen dańqtan kórse, basqa adam ómir mánin súıikti isi men hobbıinsiz elestete almaıdy, al keı adamdar jaqyndary úshin ómir súredi. Álemdegi tirshilik ıeleriniń bárinde belgili bir qajettilikter bar. Olar: tamaq, uıqy, baılanys, mahabbat. Keıbir jandar úshin ómirdiń máni osy qajettilikterdi qanaǵattandyrýǵa degen talpynystardan týyndap jatady. Múmkindiginshe ómirdiń máni jaıynda kóbirek oılanǵan abzal, jalpy, ómir máni týraly oılaýdyń da paıdasy zor. Bul ózińdi túsinýge, aldyńa naqty maqsattar qoıýǵa jáne olarǵa jetý jolynda bar kúsh-jigerińdi aıamaı jumsaýǵa kómektesedi. Ár adamnyń óz ómiriniń sońyna deıin ómirdiń mánin izdeıtini málim. Onyń maqsaty ómir mánin tabýda jatqan bolar. Ómirdiń mánin tabý arqyly adamzat máńgilik baqytqa qol jetkizýi de ǵajap emes.

Ý M. Djoldybaeva Ál-Farabı atyndaǵy QazUÝ-niń Qazaqstan tarıhy kafedrasynyń dosenti  J. N. Alıasqar Ál-Farabı atyndaǵy QazUÝ-niń Shyǵystaný fakúltetiniń 1-kýrs stýdenti

---