InfoHub Logo

Men Mahambettiń erligine qaıran qalamyn.Óıtkeni, qalam men qylyshty ózine serik etken erekshe, birtýar tulǵa.Mahambettiń óleńderi adamdarǵa rýh pen jiger beredi.Ár óleńinen qaısarlyq pen er azamattyq erlikti kóre alamyz."Mahambet-Abaıǵa deıingi aqyndardyń aqyny, Abylaıdan keıingi batyrlardyń batyry, Mahambettiń esimi-ómirdegi qasirettiń sımvoly.Mahambet óleńi qaıtalanbas, qudiretti.Shyǵarmalary tap-taza qorǵasynnan quıylǵan ap-aýyr asyl sóz, basqa jer betindegi eldiń óleń-jyrynda joq" dep Qabdolov óziniń synı pikirin aıqyn dáleldegen.

Mahambet óleńderinde halqymyzdyń ózindik bolmysy, qaısarlyǵy qazaq halqynyń rýhyn kóteredi.Mysaly, "Baǵanaly terek" óleńin alsaq.Árbir býyny men býnaǵy, árbir tarmaǵy men shýmaǵy qaısarlyqty aıqyndap kórsetedi.Isataı ólgennen keıin, kúres arqyly jetemiz degen maqsaty oryndalmaı, kóterilis jeńilgen soń patsha saıasaty halyqty burynǵydan beter ezip, el basyna aýyrtpalyqty kúsheıte tústi.Ol osy óleńi arqyly tek qana qaraǵaıdaı óz qamyn oılaıtyn adam dúnıege kelgenshe, emendeı eliniń qamyn jasaıtyn, eline kómek qolyn sozatyn adamnyń ómirge kelgeni, ómir súrip júrgeni artyq dep nyq basyp ashshy shyndyqty aıtady.Osy shyǵarma arqyly keler urpaqqa úlgi-ónege bolsyn dep jazyp qaldyrǵan.Daýylpaz aqynnyń osy óleńinen halyq kegin alatyn, teńdikti suraıtyn uldy armandaǵanyn kórýge bolady.Bul myna óleń shýmaqtarynda kórsetilgen:

"Hannan qyryq týǵansha,

Qaradan bir-aq týsaıshy,

Halyqtyń kegin qýsaıshy.

Artymyzdan bizderdiń,

Aqyryp teńdik surarǵa".

Mine, Mahambet aqynnyń osyndaı rýhty, ótkir jyrlary men óleńderi halyqtyń rýhanı azyǵy, urpaqqa mura bolyp qaldy.

Turǵanbek Bıbifatıma