InfoHub Logo

Qatysýshylar:
Bildirgen
Kúldirgen

Bildirgen. Sálematsyńdar ma, dostar! Kúldirgen, sen nege mynaý kórermendermen amandaspaısyń, á?

Kúldirgen. Amandasamyn ba, joq pa, ony ózim bilemin!

Bildirgen. Sen ádepsiz bolma...

Kúldirgen. Sen nemene, sonsha pysyqsyń ba? Men qashan ádepsizdik jasadym? Áýeli óziń ádepti bol, bildiń be?!

Bildirgen.  Marjandy qaǵyp,
Erjandy soǵyp kettiń.
Bul jaqsy ma?
Kúldirgen-aý, esirme,
Anaıy bop kósilme,
Aıtqan sózdi tyńdamaı,
Aıtysasyń, bul qalaı?

Kúldirgen. Dostar-aý, mynaý ne dep tur ózi?

Bildirgen. Kúldirgen, sen oınap sóıleme, oılap sóıle.

Sekeńdeısiń, oınaısyń,
Oıynǵa bir toımaısyń.
Ádep saqta desek te,
Ádetińdi qoımaısyń.

Kúldirgen. Oıyn zıan ba? Men kúnde oınap denemdi shynyqtyramyn, bildiń be?

Bildirgen. Deneńdi keshke deıin «shynyqtyra» beresiń be? Shynyǵýdyń da jóni bar emes pe? Oınaý men shynyǵýdyń arasynda aıyrmashylyq bar. Shynyǵý úshin áýeli gımnastıka jasap, sporttyq oıyndarmen shuǵyldaný kerek.

Kúldirgen. Men shynyǵa bilemin. Al sen bolsań, shynyǵýdyń ne ekenin bilmeısiń, erte turmaı, erinip jatyp alasyń.

Bildirgen. Ia, saǵan... Sen bar ǵoı... Syn aıtýdy bilmeıdi ekensiń. Syn aıtý úshin áýeli shyndyqty bilý jón. Jaqsyǵa jala jaýyp, qasteki bolý – ádepsizdik ári qylmys.

Kúldirgen. Synnyń ádil, kisiniń ádepti bolýy kerek degendi ózim de bilemin.

Bildirgen. Mine, endi túsinistik. Synasyn dos dosyndaı, Min túzeıik osylaı!  Kúldirgen, áýeli «ádep» dep, «ádeptilik» dep, qandaı minez ben is-áreketti aıtamyz, sony bilip alaıyq.

Bildirgen. Ádeptilik dep – úlkendi syılaýdy, dostardy, aınaladaǵy adamdardy qurmetteýdi aıtamyz.

Kúldirgen. Aıttym ǵoı, Bildirgen, bildiń be? Sen meni syılap, qurmetteýiń kerek.

Bildirgen. Sen she? Sen de meni syılaýyń kerek. (Kórermenderge). Solaı emes pe, dostar? Syılasym eki jaqtan birdeı bolýy kerek. Ádepti jan basqadan syılastyq kútpeı-aq, aldymen ózi basqany qurmettep, ardaqtaı biledi, kópshilikke óziniń ádeptiligin kórsetedi.

Kúldirgen. Endi bildim. Ádep, izet, ınabat, syılasym, qurmet, qamqorlyq degen sózder ádeptilikti bildiredi eken.

Bildirgen. Men bul sózderdi baıaǵyda jattap alǵanmyn. Sen de jattap al, Kúldirgen.

Kúldirgen. Sózdi qurǵaq jattaý paıdaly emes. Ony túsinip jattaý kerek. Sózdi ispen oryndaý kerek.

Bildirgen. Taǵy da bir nárse aıtaıyn ba? Keshirimdi bolý bar ǵoı, ol da – ádeptilik. Biraq keıde keshirmeıtin de minez-qulyqtar bolady.

Kúldirgen. Ondaı teris minezdi tezge salyp, tez túzeý kerek.

Kúldirgen. Jas-kárige Siz degen.

Bildirgen. Jaqsy úlgi izdegen,

Ekeýi (qosylyp). Dos bolamyz biz degen İzetti ulmen, qyzbenen!

---