InfoHub Logo

Bıigine shyǵyp talaı asqardyń,
Óz salańdy adaldyqpen basqardyń.
Ul-qyzyńdy suńqar qustaı túletip,
Jolyn ashtyń sońyńa ergen jastardyń.
 
Kele jatqan asqar taýdy saǵalap,
Sekildisiń tórt tuıaǵy taǵaly at.
Urpaqtaryń ulyq tutyt ózińdi,
Otbasyńa saıa bolsyn Saǵadat.

*** *** *** ***

Peıiliń keń eshqashanda jutamas,
Qonaq kelse tórińdi usyn, qushaq ash.
Baýyrlaryń – jal quıryǵyń, qanatyń,
Qanaty joq qyran kókke usha almas.

*** *** *** ***

Tań kúlip, juldyz janyp peıilińe,
Halyqtyń kirdiń, sirá, senimine.
Bul kúni salaýatty jigit kórem,
Basylǵan jastyq shaqtyń jeligi de.
 
Jeńgemiz júr kóshińdi órge súırep,
Keledi tirligińniń kerýeni bop.
Janyńda qulyndaryń shapqylap júr,
Oılaǵyn bir qudaıdyń bergeni dep.

*** *** *** ***

Jan aǵa, ómirińniń órindesiń,
Qaryndas kóńilińniń tórindesiń.
Syldyrap Aqqaınardan aqqan bulaq
Taǵdyrdyń syndarynda jeńilmesin.
 
Kelemiz qıalardan kún keship te,
Baýyrlyq bal sezimmen úndesip te.
Terbetken anamyzdan aınalaıyn,
.... ul .... qyzdy bir besikte.
 
Jaqsy aǵa kúnde shýaq jaǵar janǵa,
Mereıim ósip turar aǵam barda.
Jasyńnan jaqsylyqqa qushtar ediń,
Kelesiń jaryq syılap adamdarǵa.
 
Aǵaǵa aq tilegim aqtarylsyn,
Ákege turpatyńmen tartqan ulsyń.
Qarasaı baba rýhy qoldap árkez,
Ordańa qydyr qonyp, baq darysyn.
 
Shashamyn jan nurymdy jarqyldatyp,
Tileımin saǵan árkez jarqyn baqyt.
Aǵaǵa arnap baýyr mahabbatyn,
Júremin júregimdi men týlatyp.
 
Árdaıym Alataýdaı ańsap júrem,
Atyńdy asqaqtatyp án sap júrem.
Janyńa tıtteı kirshik túspesin dep,
Jan aǵa, perishteńdeı qorshap júrem.
 
Anaryń – aıaldaǵan asyl jaryń,
Uldaryń – ulan asý, jasyl baǵyń.
Qaıda dep qaryndasym izdegende,
Men de árkez, asyl aǵa, qasyńdamyn!

Aǵa, sizdi oılasam, shattanamyn,
Terbeledi tolqyndaı baq talabym.
Júregimde óziń dep oıanady
Tastaı qatyp uıyqtap jatqan ánim.
 
Shúkir deımin ózińdeı jan baryna,
Jaqsylyqty tileımin jalbaryna.
Sizdeı aǵa bar bolsa – bizdeı ini
Alańdamaı qaraıdy aldaryna.

*** *** *** ***

Shaqyryp asqaq arman, dýly dúrmek,
Júresiz júrekterden jylý izdep.
Alataý – arqa súıer aǵamyzsyz,
Jalǵaıtyn jolyńyzdy inińiz kóp.

İzetti qalpynan esh ózgermegen,
Inabatty, kóldeneń sózge ermegen.
Jaqsylyq jasadym dep dandaısymas,
Bárinde parasatpen bezbendegen.

Márt júrek áspettegen syrlasyn ár,
Qozǵalmas taý qozǵalsa tulǵasy bar.
Ózińdeı kórip jurttyń barlyǵyn da,
Jasaýǵa bir jaqsylyq kúnde asyǵar.

Daýyryǵyp bostan bosqa isinbegen,
Ózgege kóleńkesin túsirmegen.
Adamsyz shen-shekpenge qyzyqpaǵan,
Ár sóziń dáleldengen isińmenen.

Búkil jurt márttigińdi qylǵan ańyz,
Altynmen jazylypty jylnamańyz.
Qurmettep, han kóterip tóbemizge,
Aǵajan, ózińizden úlgi alamyz.

*** *** *** ***

Dosqa adal, otbasynyń qorǵany,
Shyn baqytty baǵalaǵan qoldaǵy.
Bir ózińdi maqtan etip júremiz,
Shattyq tilep ár kúnińe aldaǵy.

*** *** *** ***