InfoHub Logo

Búgin bizdiń otbasynda toı-dýman,
Bárimizden jany jaısań - soı týǵan.
Aǵa seniń quttyqtaýǵa bas qosty,
Qurby-qurdas, qarıalar oı qýǵan.

Otyr áne, tór basynda ákemiz,
Qasynda onyń gúl jaınaıdy tátemiz.
Áke-sheshe bizdi aıalap ósirgen,
Keshiretin bolsa-daǵy qatemiz.

Aǵa-ini, qaryndastar, analar,
Jezde, jeńge, qaıynene, atalar.
Tilek aıtyp, kelip otyr toıyńa,
Qabyl bolsyn beriletin batalar!

Kelip otyr: aǵaıyn-jurt, dostaryń,
Aýyldaǵy syılas, syrlas jas káriń.
Baqyt, baılyq, uzaq ǵumyr tileýde,
Sulý sózdiń túsinemiz astaryn.

Bolsań-daǵy kóp ul-qyzdar bireýi,
Aǵa seniń qarashańyraq tireýi.
El ishinde júrgennen soń múmkin ǵoı,
Biri maqtap, biri dattap - ireýi.

Tirshiliktiń qyzyǵyna jaırańdap,
Kúle bershi, júre bershi saırandap.
Úlken-kishi, týys-týǵan súısinip,
Jibek jipteı minezińe qaıran qap.

Tası bersin darıadaı dáýletiń,
Baqyt qonyp, jarqyrasyn sáýletiń.
Balalaryń qyzyǵyn kór, ata bol,
Ósip-ónip, órken jaıyp áýletiń.

Qaıyrym men meıirimnen jaralǵan,
Kisilik pen izgilikten nár alǵan.
Jan shýaǵyń jylytady júrekti,
Kún nuryndaı jer-álemge taralǵan.

Aqkóńilsiń, perishtesiń baladaı,
Peıiliń de myna darhan daladaı.
Sol mineziń bolsyn bizge juǵysty,
Kedeı de ózin sezinshi bir shala baı.

Aýyldasyn aǵaıynǵa balaǵan,
Elge syıly, jarǵa adal, balajan.
Ata-ana, bala-shaǵa qamqory,
Bárimizge qadirlisiń jan aǵam.

Qandaı jaqsy sendeı baýyr bolǵany,
Jany jomart, dastarqanda mol dámi.
Meniń úshin zor qýanysh, uly toı,
Jan aǵanyń qyryq jasqa tolǵany.

Saǵalaǵan Kóksý ózen saýyryn,
Toı toılaýda eliń-jurtyń, aýylyń.
Jalbarynyp Jaratqannan tileımin,
Saǵan baqyt, uzaq ǵumyr, baýyrym!