InfoHub Logo

«Sondaı-aq búdjet jobasynda pánderdi aǵylshyn tilinde júrgizetin ustazdardyń jalaqysyn ósirýge qarajat qarastyrylǵan. Qosymsha ústemeaqy 2 bazalyq laýazymdyq eńbekaqyny quraıdy, ıaǵnı aǵylshyn tilinde pán júrgizetin ustazdyń jalaqysy 35 myń teńgege artady», - deıdi depýtat.

Aıta ketsek, úshtildilik oqý júıesi aıasynda 2019-2020 oqý jylynan bastap joǵary synyptarda mekteptiń tańdaýy boıynsha "Informatıka», «Hımıa», «Bıologıa», «Fızıka» pánderin aǵylshyn tilinde oqytý josparlanyp otyr.

Jalpy, 2017-2019 jyldarǵa arnalǵan búdjette bilim berý júıesin qarjylandyrýǵa 1 trln 92 mlrd teńge kózdelgen. Onyń ishinde 2017 jyly 435, 9 mlrd teńge bólinedi. Qarajat mamandardy daıyndaýǵa, kadrlardyń biliktiligin arttyrýǵa, nysandardyń qurylysyna, daryndy balalardy oqytyp, tárbıeleýge, blim berý júıesin úshtildilik júıesi aıasynda ádistemelik qamtamasyz etýge, taldamaly zertteýler júrgizýge baǵyttalady.

Sondaı-aq, 2017 jyly zeınetaqy kólemi 9 paıyzǵa artady. Barlyq áleýmettik járdemaqy túrleri 7 paıyzǵa ósedi. Jalpy zeınetaqy mólsheri ortasha alǵanda 60 167 teńgeni quraıtyn bolady.

«Áleýmettik-eńbek salasynda 96 paıyzdy áleýmettik tólemder, zeınetaqy men járdemaqylar quraıdy. 2018 jyldyń birinshi shildesinen bastap bazalyq zeınetaqy taǵaıyndaý tártibi zeınetaqy júıesine qatysý ótiline baılanysty ózgertiledi. Budan bólek, 2018 jyldan bastap zeınetaqy júıesiniń jańa jınaqtaýshy tetiginiń iske qosylýyna baılanysty jumys berýshilerdiń qosymsha 5 paıyzdyq mindetti zeınetaqy jarnasy engiziledi», - dedi V.Redkokashın.

Al densaýlyq saqtaý salasy búdjetiniń 90 paıyzy kepildendirilgen tegin medısınalyq kómek kórsetýge jumsalady.

Depýtattyń aıtýynsha, respýblıkalyq búdjet jobasynda áleýmettik mindetterdi oryndaýǵa baǵyttalatyn shyǵystar tolyq kólemde qarastyrylǵan. Jalpy, áleýmettik-mádenı salaǵa 11 trln 700 mlrd teńge, onyń ishinde 2017 jylǵa 3 trln 591 mlrd teńge kózdelgen. Bul sektordyń 2017 jylǵy respýblıkalyq búdjet shyǵystaryndaǵy úlesi 43 paıyzdy qurap otyr.

Aıymgúl ÁBİLEVA

Baq.kz

---