E.Saǵadıev: Álippeni balalar «0» synypta oqıtyn bolady
2017 jyldan bastap qanatqaqty táripte engiziletin «0» synypta balalar álippeni oqıtyn bolady. Bul týraly búgin Senat depýtattarymen ótip jatqan kezdesý barysynda QR Bilim jáne ǵylym mınıstri Erlan Saǵadıev aıtty, dep habarlaıdy Baq.kz.
«0» synypty 2019 jyldyń birinshi qyrkúıeginen engizý josparlanǵan edi. Biraq qazir ata-analar men ustazdardyń qalaýy boıynsha ony erterek, 2017 jyldan bastap qanatqaqty tártipte engizýdi kózdep otyrmyz. Ári qaraı qalaı iske asatynyn kóremiz. Mektepaldy daıarlyq tobyn mektepte de, balabaqshada da ótýge bolady. Nege? Óıtkeni bizde barlyq mektepter osynsha kóp balany qabyldaýǵa daıyn emes. «0» synypta kúnine 3-4 sabaq 20-35 mınýttan bolady. Bul máseleler qazir qoǵammen talqylanyp jatyr», - dep habarlady E.Saǵadıev.
Mınıstrdiń aıtýynsha, naq osy «0» synypta álippe oqytylatyn bolady.
«Qazir álippe qaıda ketti dep jatyr ǵoı. Mektepaldy daıarlyq toptarynda balalar álippeni oqıdy. Bul durys», - dedi ol.
Eske sala keteıik, jaqynda Májilis depýtaty Bekbolat Tileýxan QR Bilim jáne ǵylym mınıstri Erlan Saǵadıevke depýtattyq saýal joldap, birinshi synyptaǵy álippeni nege alyp tastaǵanyn suraǵan bolatyn. Halyq qalaýlysy mınıstrliktiń bul áreketin synǵa alǵan edi.
You Might Also Like
-
2018 jyly ulttyq biryńǵaı testileý boıynsha shekti bal joǵarylaýy múmkin. Bul týraly búgin Senat depýtattarymen ótip jatqan kezdesý barysynda QR Bilim jáne ǵylym mınıstri Erlan Saǵadıev aıtty.
