InfoHub Logo

— Qaıda barasyń?

Ájesinińdaýysy zildi shyqty. Eshqashan daýys kótermeıtin ol aıqaıdy aýyr zilmen aýystyra biletin. Urlana basyp shyǵyp bara jatqan boıjetken kidirýge májbúr boldy.

— Kitaphanaǵa.

— Andaǵy dorbadaǵy ne?

— Kitap.

— Beri ákel.

Nemeresi qarsylyqsyz aq sómkesin ıyǵynan syrǵytyp, kempirdiń aldyna tastady. Ikemge áreń kengen belin ıip, ol sómkeniń aýzyn ashty. Shynymen kitaptan ózgeesh nárse joq eken.

— Altydan keshikpeı kel,— dedi ol taramys saýsaqtarymen dorbany qyzdyń ıyǵyna qaıta ilip jatyp.

— Bar.Boıjetken únsiz shyǵyp ketti. "Boıy syrıyp ósip qalypty,— dep oılady kempir terezeniń aldyna kelip,— qol-aıaǵy uzyn, biraq aryq beıshara".

Gazda turǵan sháýgimdi qolymen ustap kórdi. Jyly. Stolda turǵan kesege ortalap sý quıyp aldy da, shette jatqan shúberekti sháýgimniń ústine jaba saldy.

— Kebe bersin.

Terezege qaıta buryldy. Jel soǵa bastapty. Jańa ǵana ashyq aspan kenet kúńgirttengen. Dúnıe áp-sátte alaı-dúleı bolyp, sol arada jaýyn sabalaı jóneldi.

— Mássaǵan,— dedi kempir daýystap,— álgi qyz jalańash ketti-aý. Aıaldamaǵa da jetip úlgermegen shyǵar beıshara. Sormańdaı.

Terezege qarap taǵy kishkene turdy da, óz bólmesine bettegen. Adymdaǵan saıyn jalańash tabany edendi syryp ótedi. Úsh-tórt attam dálizdi uzaq kesti. Bir qolynda kesesi, ekinshi qolymen qabyrǵany qarmaıdy. Bólmesine jetip, qolyndaǵy ydysty stolǵa qoıdy da, tósekke shyqty.

— Jaratqan ıem, saqtaı kór,— dedi esinep.

Sodan keıin qalyń uıqyǵa ketti.

---