InfoHub Logo

Hatshy otyratyn aýyzúıge kirip, shettegi jumsaq kresloǵa jaıǵastym. Bir saǵat otyrdym. Basynda tipti kire beris bólmeniń mysy basatynyna tań qaldym. Eńseli, appaq terezesinen kúnniń ózi ımenip syǵalaıdy. Perdeleri saltanatty, qoıý jasyl túske  malynyp, ǵalamat tylsym nur  shashatyndaı. Hatshy  yzdyń ary-beri sabylǵany, onyń baǵaly kámpıt toltyryp, ádemi tabaǵa eki kese shaıdy qondyryp, bastyq otyratyn bólmege ótip, emin-erkin júrisi, tyrnaqtarynyń uzyndyǵy men kóılegeniń  qysqalyǵy, beınesinde dáýletti kisilerge qupıa qyzmet usynatyn arýlarǵa tán syrbazdyqtyń esip turǵany — keremet. Osylaısha, onyń qımyl-qozǵalysyna tasadan, jasyryn kóz tastap máńgi otyra berýge barmyn. Jarty saǵat ótti. Meni bastyq qabyldamaıtyn boldy. Hatshy qyz aıtty. Aldyn ala jazylý kerek, tártip solaı. Túski asqa shyqpaı ma, bir-aq aýyz sóz edi aıtpaǵym. Shyqpaýy da múmkin. Boıjetken maǵan iltıpatpen jaýap beredi. Shamasy meniń oǵan degen, ar jaǵynda onyń  áıeldik álsizdigine, áljýazdyǵyna qurmetim, bas ıýim — áldebir symsyz arnalar arqyly júregine boılaǵan bolý kerek. Bálkim, shyǵyp qalar otyra tursam bola ma? Ózińiz bilińiz. Men otyrmyn. Qaı ýaqyt ekenin bilmeımin bir kezde myna aýyzǵy bólme de, tikireıip, kerbez qozǵalǵan álgi qyz da jynyma tıe bastady. Búrokratıa. Adam-mashına. Jálap. Ketip qaldym.

---