InfoHub Logo

Akademık Aqaı Núsipbekovtyń aty berilgen Aqaı aýylynyń tarıhtan syr sherter mol murasy men baǵaly qazynalary jeterlik. Aqaı aýylynyń ómir ottary, keleshegine tizgen kórikti kóshi janyńdy jadyratady. Negizinen bul óńir "Qarabulaq óńiri" dep atalady. Qarabulaq óńiri tarıhı eskertkishterge toly meken. Dál osy óńir aýmaǵynda 47 tarıhı dúnıe, eskertkishteı tamashalar bar. "Qarashoqy" dep atalatyn jerde tańbaly tastar bar. Tasqa qashap, oıyp salynǵan sýretterdi- petroglıfter dep ataıtyny belgili. Ony alystan izdeýdiń qajeti joq.Qarashoqyda tur. Arnaıy baryp kórýge bolady. Qarashoqydaǵy tasqa qashalǵan beınelerde taý-tekeleriniń sýreti, tulǵasy kóbirek ushyrasady. Tasta ań da, ańshy da, onyń ań qýǵan ıtiniń de beınesi kezdesedi. Qaıraqtydaǵy jazýly sandyq tastyń da ózindik tarıhy bar. Budan bólek, Jamanbulaq óńirinen tabylǵan bal-bal tasta bir qolynda qaıqy semseri, ekinshi qolynda tostaǵan beınelengen saq jaýyngeriniń tulǵasy qashalǵan. Kóneden qalǵan tarıhı jádigerge, qymbat ta qasterli qazynaǵa kóz tigýshiler kóp bolǵan soń, Bolat Sársenbaevtaı kózi ashyq aǵalarymyzdyń arqasynda Aqaı aýylyndaǵy akademıktiń atyndaǵy orta mektebi mýzeıiniń "ólketaný" buryshyna ákelinip qoıylǵan. Kóneniń kózine tebirenbeı, tańdanbaı qaraı almaısyń. Bul óńirdiń tamashalary jetip artylady. Ǵajaıyp mekenniń qupıasyn áli eshkim bilip, kózin jetkizbegen dúnıeleri ushyrasady. Sonyń biri- Qarash dep atalatyn jerdegi Áýlıe bastaý. Bul jatqan bir jumbaq bastaý. Sýynyń qaıdan keletini belgisiz. Jańbyrdyń sýy bolsa keýip keter edi. Onyń sýy ne kóbeımeıdi, ne azaımaıdy. Bastaý janynda áýlıe namaz oqyǵan tas bar. Tasta áýlıeniń eki qolynyń, mańdaıynyń, tizeleriniń qalǵan izi bar. Áýlıe óte úlken adam bolsa kerek. Bul áýlıe Qyzylbórik Saqaý rýynan taraǵan Túlkibaıdyń shópshegi Qarash ata ekeni anyqtalǵan. Bastaý sol Qarash atanyń atymen atalyp ketken.

Qoryta aıtqanda, ata-babalarymyzdan qalǵan kóptegen qundy eskertkishter túrli jaǵdaılarǵa baılanysty bizge kelip jetpedi. Oǵan soǵys, órt, tabıǵat apaty, pendelik kózǵaras, keıde tipti, ádeıi jasalǵan qastandyq sebep boldy. Tarıhymyzdan syr sherter kóne jádigerlerimiz bolashaq urpaqqa amanat etip qaldyrý-paryzymyz. 

Ál-Farabı atyndaǵy QazUÝ 1-kýrs stýdenti Áshimhan Aqerke, Jetekshisi Qozybaqova Fatıma

---