InfoHub Logo

Ál-Farabı atyndaǵy Qazaq Ulttyq Ýnıversıteti irgetasyn sonaý 1934 jyly Kırov atyndaǵy ýnıversıtet bolyp qalaǵan edi. Sol kezeńde quramynda tek eki ǵana bıologıa jáne fızıka-matematıka fakýltteri kirgen ýnıversıtet búginde álemniń eń úzdik 200 joǵary oqý oryndarynyń qataryna enip otyr. Qazaqstandyq ýnıversıtet QS jahandyq reıtıńisinde 165-orynǵa kóterildi. QazUÝ álemdińk ǵylym men bilim aıdynynda erkin júzetin kóshbasshy ýnıversıtet ekenin dáleldedi. Ál-Farabı atyndaǵy QazUÝ-Qazaqstan joǵary oqý oryndarynyń Bas reıtıńisiniń kóshbasshysy, el tarıhynda tuńǵysh ret "sapa salasyndaǵy jetistikteri úshin" Qazaqstan Respýblıkasy Prezıdenti syılyǵynyń laýreaty, Ónim jáne qyzmet kórsetý sapasy salasyndaǵy jetistikteri úshin Táýelsiz Memleketter Dostastyǵy syılyǵynyń dıplomanty. Bul ýnıversıtet Halyqaralyq ýnıversıtetter qaýymdastyǵynyń múshesi jáne Eýrazıalyq ýnıversıtetter qaýymdastyǵynyń teń quryltaıshysy bola otyryp, Qazaqstan men Ortalyq Azıa elderiniń joǵary oqý oryndary arasynda birinshi bolyp qol qoıdy. Boloná ýnıversıtetteriniń Uly Hartıasyna, ISO 9000:2000 halyqaralyq standarttar talaptaryna sapa menejmenti júıesiniń (SMJ) sáıkestigine Halyqaralyq sertıfıkattaýdan sátti ótti jáne IQNET Halyqaralyq sertıfıkattaý júıesi – iri álemdik sertıfıkattaý ortalyqtarynyń kýálikterin aldy. Ýnıversıtet joǵary bilikti mamandardy daıarlaýǵa, álemdik bilim berý keńistigine odan ári yqpaldasýǵa, irgeli jáne qoldanbaly zertteýlerdi damytýǵa, olardy óndiriske engizýge baǵyttalǵan orasan zor bilim berý, ǵylymı, rýhanı-tárbıelik, ınovasıalyq jáne óndiristik áleýetke ıe

Ál-Farabı atyndaǵy Qazaq ulttyq ýnıversıteti-bul baı dástúri, kóp jyldyq oqý jáne ǵylymı jumys tájirıbesi bar joǵary oqý orny. Ál-Farabı atyndaǵy Qazaq ulttyq ýnıversıteti – memlekettik atestattaýdan birinshi bolyp ótken jáne barlyq mamandyqtar men deńgeıler boıynsha bilim berý qyzmetin júzege asyrý quqyǵyn rastaǵan Qazaqstan Respýblıkasynyń Joǵary bilim berý júıesiniń jetekshi mekemesi. QazUÝ meniń bala kúngi armanym. Alataýdyń baýraıynda kermetteı ǵımarttarymen kóz tartatyn mekenge árdaıym oqysamǵoı, sol qasıetti mekende úlken ómirge aıaq bassam ǵoı dep armandaýshy edim. Shúkir, armandar oryndalady.

2016-jyly QazUÝ-dyń mehanıka-matematıka fakúltetiniń Avtomattandyrý jáne basqarý dep atalatyn jańa ǵana ashylǵan, jas mamandyǵyna balmuzdaq bolyp tústim. Sol ýaqyttar aqparattyq tehnologıalyq baǵyttaǵy mamandyqtar matematıkalyq mamandyqtardan jeke bólinip jatqan tusy bolatyn. Kóp uzamaı-aq 2017 jyly jeke dara Aqparattyq tehnologıalyq fakúlteti bolyp irgetasy qalandy. «Sıfrlik Qazaqstan –jańǵyrýǵa bastaıtyn jol» dep elbasy N.Á.Nazarbaev aıtpaqshy, tehnologıalar qaryshtap damyp jatqan ýaqytta, QazUÝ-da osy úderiske óz úlesin qosýdy jón kórdi. Fakúltetimizde bilim alýshy túlekterge barlyq jaǵdaı jasalǵan. Kompúterlik kabınetter, laboratorıalar men osy baǵytta óz isimdi ashamyn degen jas mamandarǵa bıznes ortalyǵyda óz qyzmetin usynady. Zamanǵa saı sońǵy tehnologıalarmen jabdyqtalǵan jerde oqý da, sonymen qatar tájirıbeńdi arttyrý da erekshe sezim syılaıdy.

Ýnıversıtet birlesken halyqaralyq oqý baǵdarlamalaryn iske asyrý, stýdentterdiń tájirıbe almasýy jáne taǵylymdamalar ótkizý boıynsha álemniń 418 iri halyqaralyq joǵary oqý oryndarymen yntymaqtastyq jasaıdy. Jyl saıyn sheteldik oqý oryndarynda oqımyn nemese tájirıbe almasamyn dep nıet bildirgen talapkerler QazUÝ keremetteı múmkindikter usynady. Jáne Qazaqstannyń beldi ýnıversıtetterimen de tyǵyz baılanys jasap, elimizdiń bilim-ǵylym deńgeıin kóterýge kúsh salýda.

Ál-Farabı atyndaǵy Qazaq Ulttyq Ýnıversıteti áli de alar asýy bıik, jeter jetistigi orasan ýnıversıtet. Jyl saıyn elimizdiń múddesi úshin jumys jasaıtyn mamandardy shyǵaryp otyrǵan asyl orda.

Avtor: A.J.Janabekova, QazUÝ-dyń aqparattyq tehnologıalar fakúltetiniń Jasandy ıntellekt jáne Big DATA kafedrasynyń 1-kýrs magıstranty. Jetekshi: aǵa oqytýshy Ýrazgalıeva Svetlana Amanjolovna.

---