InfoHub Logo

Zertteýshi-ǵalymdar M. Seralındi qazaq jýrnalısıkasynyń negizin salýshylardyń biri dep esepteıdi. Oǵan dálel M. Seralınniń qazaq halqynyń aýyz ádebıetin zertteı otyryp, óziniń de óleńder jaza bastaýynda. Orys, parsy, tatar tilderin jetik meńgere otyryp, «Topjarǵan» jáne «Gúlhashıma» poemalaryn jazyp, kópshilikke tanymal bolady. «Aıqap» jýrna- lynda M. Seralın aldymen qolǵa alǵan, kóp jazǵan negizgi, mańyzdy taqyryp — jer máselesi, otyryqshy bolý, egin kásibimen aınalasý, qala salý máseleleri boldy. Bul máseleler jóninde M. Seralın óziniń «Jer máselesi», «Eski jyr», «Qazaq halqynyń muqtajdyǵy» degen maqalalaryn jazyp, ony «Aıqap» jýrnalynyń betterinde jarıalaıdy. Muhamedjan Seralın tek jýrnal shyǵaryp qana qoımaı, el arasyndaǵy aǵartý máselesine de kóńil bóledi. Jýrnal jabylyp qalǵannan keıin ol 1919–1920 jj. «Ushqyn» gazetinde de qyzmet atqarady.

1913 j. shyqqan «Qazaq» gazeti el arasyna resmı túrde ulttyq ıdeıany nasıhattaýda úlken qyzmet atqardy. Qazaq tarıhyndaǵy eń alǵashqy iri qoǵamdyq uıym — ulttyq-demokratıalyq «Alash» partıasynyń uıymdasýyna uıytqy bolǵan da osy «Qazaq» gazeti. Gazettiń № 1 sanynda «Ataly jurtymyzdyń, aýdandy ultymyzdyń arýaqty aty dep, gazetimizdiń esimin «Qazaq» qoıdyq. Ult úshin degen istiń ulǵaıýyna kúshin qosyp, kómektesip, qyzmet etý qazaq balasyna mindet. Halyqqa qyzmet etemin deseńder, azamattar, týra joldyń biri osy. Jol uzaq, ǵumyr qysqa, qoldan kelgenin ǵumyr jetkeninshe istep ketelik...», — dep óz oqyrmandaryna oı tastaýynda úlken fılosofıalyq mán bar.

---