InfoHub Logo

1934 jyldyń 15 qańtary Qazaqstandaǵy tuńǵysh kóp salaly ýnıversıtettiń resmı ashylǵan kúni bolyp sanalady. Sol kúni alǵashqy stýdentterdi qabyldap, oqytýshy-professorlar quramy týraly buıryqqa qol qoıyldy.

Ýnıversıtet quramynda 16 fakúltet, 67 kafedra, 32 ǵylymı-zertteý ınstıtýty men ortalyqtar, tehnopark qyzmet atqarady: 2000-nan astam profesor, doktorlar, ǵylym kandıdattary men fılosofıa doktorlary, 100-den astam akademıalardyń akademıkteri, 30-ǵa jaqyn Qazaqstan Respýblıkasyna eńbek sińirgen qaıratkerleri, 30-dan astam Qazaqstan Respýblıkasynyń memlekettik jáne ataýly syılyǵynyń laýreattary, sondaı-aq 40 jas ǵalymdar syılyǵynyń laýreattary men 45 memlekettik ǵylymı stıpendıalardyń stıpendıanttary eńbek etedi. Ýnıversıtette 25 myńnan astam stýdent pen kópsalaly joǵary kásibı bilim júıesi boıynsha magıstranttar bilim alýda. Sondaı-aq zamanaýı halyqaralyq bilim baǵdarlamalaryn júzege asyrý boıynsha álemniń eń iri 400-den asa halyqaralyq joǵarǵy oqý ornymen yntymaqtastyq ornatqan.

Men Amzeev Nurdaýlet Mahsatovıch 2016 jyly óz qalaýym boıynsha Ál-Farabı atyndaǵy Qazaq Ulttyq ýnıversıtetine "5V061100  - Fızıka jáne Astronomıa" mamandyǵyna oqýǵa tústim. Birinshi kúnnen bastap oqý prosesi qyzyqqa toly boldy. Meni 3 kýrs kezimde ýnıversıtet óz qarjysyna Ýkraına eline oqýǵa jiberip, maǵan kóp tájirıbe jınaýǵa múmkindik berdi. Tájirıbe barysynda aǵylshyn tilin tereńirek meńgerýmen birge bolashaqta pedagogıkalyq qabiletimizdi arttyryp, sabaq barysyn qalaı qyzyqty ótkizýge bolatynyn úırendik. Qazirgi ýaqytta Fızıka tehnıkalyq fakúltettiń "7M05304 – Tehnıkalyq fızıka" mamandyǵy boıynsha magıstratýra bóliminde bilim alyp jatyrmyn.

Qorytyndylaı kele, shet tilin úırený - bul sánge nemese qandaı da bir stereotıpke degen qurmet emes, sonymen birge jalpyǵa birdeı jahandaný jaǵdaıynda damyp kele jatqan qazirgi qoǵamda mańyzdy bolyp tabylatyn bilim alý prosesi. Sol sebepti osyndaı tereń bilim bergen QazUÝ-ǵa degen meniń alǵysym sheksiz.

---