InfoHub Logo

Ál-Farabı atyndaǵy Qazaq Ulttyq Ýnıversıtet – keń salaly, ári jan-jaqty mamandandyrylǵan oqý orny. Álemdik joǵarǵy oqý oryndarynyń reıtıńin anyqtaıtyn «QS World University Ranking 2021» nátıjesi boıynsha bul oqý orny álemdik ýnıversıtetter qatarynyń ishinde 165 orynǵa ıe boldy. Bul ýnıversıtetimizdiń eleýli jetistigi bolyp tabylady, sebebi Qazaqstan boıynsha osyndaı aldyńǵy qatarda, eń úzdik 200 ýnıversıtettiń qataryna eńgen birden bir oqý orny bolyp tabylady.

Qazaq Ulttyq Ýnıversıteti barlyǵy 16 fakúltette 37 mamandyq boıynsha kadrlar daıarlaıtyn joǵary oqý orny jáne ǵylymı-zertteý ortalyǵy bolyp tabylady. Ulttyq ýnıversıtettiń fızıka-tehnıkalyq fakúlteti – ǵımarat kólemi jaǵynan da, stýdentter sany boıynsha da eń iri, ári ataqty fakúltet bolyp sanalady. Sebebi, ol halyqaralyq qarym-qatynas jaǵynan aldyńǵy qatarda qyzmet atqarýshy fakúltetterdiń biri. Mysaly, fızıka-tehnıkalyq fakúltet Germanıa, Ispanıa, Danıa sıaqty birqatar elderdiń ýnıversıtterimen ǵylymı yntymaqtastyq ornatyp, jyl saıyn stýdentter men magıstranttar sol elderde tájirıbe almasýyna yqpal etedi.

Fızıka-tehnıkalyq fakúltette barlyǵy 4 kafedra jumys atqarady, ıaǵnı fakúltet ǵımaraty 4 túrli zertteý zertthanasymen bólingen. Ár kafedra jeke ózderiniń ǵylymı zertteý qyzmetimen aınalysady. Mysaly, jylý fızıka jáne tehnıkalyq fızıka kafedrasy kóbinesi jylýmassatasymaldaý prosesin modeldeýmen, suıyq azot óndirýmen aınalysady. Zerthanalyq zertteý jumystarynyń halyqaralyq qarym-qatynasy boıynsha kafedramyz Reseıdiń birneshe ýnıversıtterimen qyzmettik memorandýmǵa qol qoıǵan.

Kafedramyz akademıalyq mobıldik baǵdarlamasy boıynsha Evropanyń Polsha, Lıtva, Latvıa, Fınlándıa, Horvatıa, Ispanıa sıaqty elderine stýdentterdi ǵana emes, sonymen qatar oqytýshylardy da tájirıbe almasý maqsatynda jiberedi. Stýdentter QR Bilim jáne ǵylym mınıstrligi grantyn utyp alyp nemese «Erasmus» baǵdarlamasynyń konkýrsyn jeńip alý jolymen nemese tipti óz qarjysymen qalaǵan oqý ornynda Halyqaralyq stýdenttermen almasý baǵdarlamasymen bir semestr oqı alady. Bundaı halyqaralyq qatynasty rettep otyratyn, ári kóptegen stýdentterdi osyndaı ǵajap múmkindikpen qamtamasyz etip otyratyn kafedra meńgerýshisiniń oqý-ádistemelik jáne tárbıe jónindegi orynbasary Shortanbaeva Janar Kaırjanovna hanymnyń eńbegi orasan zor ekendigin atap ótken jón.

Sonymen qatar, kafedramyzda aǵylshyn tilinde oqıtyn nemese aǵylshynsha biletin stýdentterdiń shamamamen barlyǵy akademıalyq mobıldik baǵdarlamasymen shetelde bolǵan. Mysaly, bizdiń topta bir ýaqytta bireýmiz Fınlándıanyń Tampere qalasynda bolsaq, al ekinshiler Lıtvanyń Kaýnas qalasynda, al úshinshisi onyń astanasy Vılnústa oqyp jatty. Biz úshin bul ǵylymı, mádenı tájirıbe almasý bolyp tabylsa, al ýnıversıtetimiz úshin halyqaralyq qatynastyń damýyna qosqan úlesimiz dep sanaımyn.

Makýlbekova Altynshash

---