InfoHub Logo

Mýzyka – júrek tili, ol – sezimder men kóńil-kúı álemi. Ol dybystar arqyly beınelengen jan saraıy.

A.N.Serov

Mýzyka jan tynyshtyǵyn ornatyp,adamdy lázzat sezimge bólendiredi. Ol jan-dúnıemizdi ózge bir álemge jetelep, sezim pernelerin dál basady. Ásem áýen oı-qıalymyzǵa qanat bitirip, kóńil saraıyna nuryn tógedi.Ólmeıtin ónerimen tanymal bolǵan,izin qaldyrǵan alyp tulǵa, belgili ánshi, akter, kompozıtor Tursynǵazy Rahımov  1951 jyly 15 qazanda Semeı oblysy Aıagóz aýdany Maltykól aýylynda dúnıege keldi. Almaty qalasynyn Respýblıkalyq estrada stýdıasynyń Júsipbek Elebekovtyń klasyn bitirgen. Ánge ǵashyq júregimen bizdi ǵashyq qyldyrǵan-Tursynǵazy aǵa.

Ár ánniń óz taǵdyry, óz daýysynyń boıaýy, júrek lúpili bolady. Iisi qazaq jurtynyń qan tamyryndaı búlkildegen sol bir nurly aıshyqtyń ishinde sazgerdiń de óz úni bar. Onyń ánderiniń jol tabýyna sebepker bolǵan adam – Muqaǵalı Maqataev.Alyp tulǵa 50-ge jýyq ánniń avtory. Ánderiniń kóbi aqıyq aqyn Muqaǵalı Maqataevtyń sózderinde jazylǵan. Birqatar óleńderi ánge qosyldy, sonyń ishinde «Darıǵa, dombyramdy bershi maǵan», «Otyzdan asyp baramyn», «Men seni saǵynǵanda», «Sanaýly kún, sanaýly aı, sanaýly jyl». Sondaı-aq áıgili aqyndar Qadyr-Myrza-Álı, Farıza Ońǵarsynova, sonymen qatar jergilikti aqyndar  T. Ábdihakımov, A. Sapyshev, A. Ibraev óleńderine jazǵan ánderi áıgili boldy.  1994 jyly «Sábı bolǵym keledi» atty ánder jınaǵy shyqty. Ol Qazaqstan ulttyq mádenıetiniń órkendeýine kóp úles qosty. Qazaqstannyń eńbek sińirgen mádenıet qyzmetkeri, «Saz serileri», Kúlásh Baıseıitova, Estaı  atyndaǵy aqyndar men ánshiler saıysynyń birinshi syılyǵynyń laýreaty. M. Maqataev atyndaǵy syılyqtyń ıegeri.  Tursynǵazy Rahımov dombyramen án salý mektebine jetekshilik etti. "Óner ólkesinde" atty sazdy-qonaqjaı klýbynyń tóraǵasy.

Shyǵystyń shynary,qazaq barda sizdiń ánińiz ólmeıdi!

Aspandıarova Gúlim Núrlanqyzy, Ál Farabı atyndaǵy qazaq ulttyq ýnıversıteti Fılologıa jáne álem tilderi fakúltetiniń 1-kýrs stýdenti.

Jetekshisi F.Qozybaqova, Ál-Farabı atyndaǵy Qazaq ulttyq ýnıversıteti tarıh jáne arheologıa, etnologıa fakúltetiniń Qazaqstan tarıhy kafedrasynyń profesory

---