InfoHub Logo

Áýeli, burynnan bergi aýqymdy taqyryptardy qarastyra bastaıyq. Bul qaladaǵy kólik júrisi men zaýyt-fabrıkalar. Munyń qandaı paıdasy bar? Kólikke keletin bolsaq, kólikpen júrý áldeqaıda tez, ári tıimdi. Zaýyt-fabrıkalardyń da jumysy az emes. Olar da kóptegen qolmen istelinetin jumysty azaıtady, óndiris jaǵdaıyn tıimdetip, tezdetedi. Alaıda, qara tútinniń tabıǵat pen adam densaýlyǵyna nashar jaǵynan áser etetini barlyǵyna bálim. Soǵan oraı, búgingi tańda bul másele keńinen qarastyrylyp, elektrokólikter jasaý qolǵa alynýda. Munyń ózi bolashaqta jaqsy septigin tıgizedi degen úmittemin. 

Taǵy da bir másele, qoqystyń ózen-kólderge tastalýy. Birinshi kezekte, ekologıamyzdyń nasharlaýyna sebepshi bolatyn jaǵdaı. Bul bizdiń búgingi taqyrypqa saı emes bolyp kóringenimen, meniń estýimshe, keıbir kompanıalar osyny eskere otyryp, óz taýarlaryn sýda erip ketetindeı etip jasaýda. Qalaı qyzyq estilse de, bul ras. Osyndaı qarapaıym jaǵdaılardyń aýqymdy túrde nazarǵa alynýy óte jaǵymdy. Mundaı qadam – aldaǵy progres pen evolúsıanyń belgisi. 

Endigi kezekte, eń shýly, búgingi kúnniń ózekti máselesi – bul koronavırýs aýrýy. Meniń oıymsha, sońǵy ýaqytta bolyp jatqan ǵalamdyq ózgeristerdiń bastamasy osynyń tereń tóńireginde jatyr. Sebebi, bul jaǵdaı bas kótergeli, búkil jer betine úlken soqqy tıdi, qoǵamnyń alaı-dúleıi shyqty. Kóptegen bıznes-kompanıalar, zaýyt-fabrıkalar, murajaılar, mektepter jáne t.b. ózderiniń jumysyn toqtatty. Halyqtyń teń jartysy juqpaly aýrýǵa shaldyǵyp qana qoımaı, kóptegeni jumyssyz qaldy. Balalar bilimdi qashyqtyqta alǵanymen, onyń óziniń kóptegen qıynshylyqtar men túsinispeýshilikti týǵyzyp otyr. Soǵan qaramastan, keıbir adamdar men fırmalar, kompanıalar osy jaǵdaıdy qoldana otyryp, bıznes jasap, mıllıoner atanýda. Mysalǵa, qazirgi qashyqtyqta oqytýǵa baılanysty, kóbisi qoldana bastaǵan «ZOOM» platformasynyń basshysy Erık Iýán, osy jaǵdaıatqa baılanysty mıllıarder atandy. 

Qorytyndylaı kele, álemdegi dúnıe bir orynda turmaıdy, ol árqashan, árkezde jańa ózgeristerge tap bolyp otyrady degim keledi. “Kezdeısoqtyqtar kezdeısoq emes” degendeı, ár bolyp jatqan ózgeristerdiń ózindik paıdasy men zaqymy da bolady. Aıtyp ótkendeı, qoǵamǵa bir jaǵynan jaqsy áser etse, ekinshi jaǵynan kerisinshe áser etýi múmkin. Sebebi, ómirdiń máni – aq pen qaranyń úılesýinde, munsyz ómir – ómir emes. Ne bolsa da, bolashaqta birge kúsh qosyp, qıyn jaǵdaılardy tezdetip jeńip shyǵýǵa shyn júrekten tilektespin!

---