InfoHub Logo

Tehnologıanyń qarqyndy damyp jatqan zamandamyz. Osy damýdyń jemisi bolǵan ınternet, gadjet sıaqty ónimderdi oryndy, shekteýli qoldanbaǵan jaǵdaıda birshama keleńsizdikterge jol ashatyny aqıqat. Sonyń bir mysaly retinde sońǵy kezderdegi adamdardyń «whatsapp», «Instagram» sekildi áleýmettik jelilerge degen táýeldiligin ataýǵa bolady. Áleýmettik jelige táýeldilikti qalaı anyqtaýǵa bolady? Mamandar myna tizimdegi erekshelikter qanshalyqty sizge tán bolsa sonshalyqty táýeldi ekenińizdi ańǵarýǵa bolatynyn aıtady:

● Kúnine bir saǵattan astam ýaqyt áleýmettik jelide otyrý.

● Ár 5-10 mınýt saıyn telefondy ashyp qaraý.

● Áleýmettik jelide ótetin ýaqyttyń bara bara azdyq etýi.

● Aqparattardy tym kóp bólisý, kúnde jazba jarıalap, oǵan adamdardyń taldaý jazýyn kútý, “laık” kútý.

● Áleýmettik jelige kirmegen kezde ózińizdi jaısyz, ashýly, jabyrqaýly seziný.

● Qylt etse, sál múmkindik týsa áleýmettik jelige kirýdi qalap turý.

● Cabaqta, jumysta, otbasy ishinde kúndelikti jaýapkershilikterińiz ben mindetterińizdi keshiktirýge sebep bolý, t.b...

Bolmashy kóringenimen osy táýeldilikke boı aldyryp, qutyla almaı júrgen qanshama adamdar bar. Mańyzdysy adamdardyń munyń táýeldilikke aparatyndyǵyn uǵynyp, muny boldyrmaý úshin áleýmettik jelilerdi shekteýli, oryndy qoldanýǵa tyrysýy kerek. Mamandar myna tómendegi erekshelikterdi oryndaýǵa keńes beredi:

● Áleýmettik jelide otyrǵan ýaqytty belgilep júrý, shamadan aspaýyn qadaǵalaý.

● Áleýmettik jeli qosymshalarynyń eskertýlerin dybyssyz kúıge keltirý.

● Negizgi bettegi áleýmettik jeli qosymshalaryn kórinbeıtin kelesi betke ornalastyrý.

● Áleýmettik jelide ótetin ýaqyttyń kúnine 30 mınýttan aspaýyn qadaǵalańyz, máselen túske deıin 15 mınýt, tústen keıin 15 mınýt. Merzim tolǵanda dereý jaýyp tastańyz.

● Adamdarmen jazbasha túrde emes, qońyraý shalyp nemese kózbe-kóz kezdesip sóılesińiz.

● Sport, kitap oqý, sekildi ózińiz unatatyn belsendilikterge ýaqyt bólińiz.

● Dostarmen kezdesýlerdi jıiletińiz.

● Osy atalǵandardy oryndaǵanmen de táýeldilikten qutyla almasańyz psıhologtyń kómegine júginińiz.  

Oqýǵa keńes beremiz:

Áleýmettik jelide ne úshin sýretterimizben bólisemiz?

Facebook-te az «laık» jınaý adamdardyń basty qasiretine aınalýda

AMERIKAlyq psıhıatrlar «selfıdi» resmı túrde psıhıkalyq aqaý dep moıyndady

Telefon táýeldiliginen qutylýdyń 7 tásili

Telefondy qabyrǵa - XXI ǵasyrdyń keseli

---