SHQO-da 6,5 myń muǵalim eki jyl boıy ústeme aqydan qaǵylyp kelgen
Shyǵys Qazaqstan oblystyq prokýratýrasy óńirdegi 6,5 myń muǵalimge 2 jyl boıy tıesili ústeme aqy tólenbeı kelgenin anyqtady.
«SHQO prokýratýrasynyń aralasýynan keıin muǵalimderge tıesili qosymsha aqy tólenetin boldy. Mektep qyzmetkerleri eńbek quqyqtarynyń saqtalýyna tekserý júrgizgen bolatyn. Nátıjesinde 6,5 myń muǵalimge erekshe qajettigi bar balalarmen jumys júrgizgeni úshin qosymsha aqy tólenbegeni anyqtaldy», - deıdi oblystyq prokýratýranyń baspasóz hatshysy Ásel Momynjanova.
Atalmysh sanattaǵy balalarmen jumys istegeni úshin muǵalimder bazalyq eńbekaqyǵa 40% ústeme aqy alýy kerek bolǵan. Sol tólemdi muǵalimder 2 jyl boıy almaǵan. 2017-2018 jyldarda bereshek 87 mln teńgeden asqan.
«Qazir qordalanǵan eńbekaqy qaryzy tólenip jatyr. Bilim qyzmetkerlerine búgingi kúnde 14 mln teńgeden astam qarjy óteldi», - deıdi prokýratýra ókili.
You Might Also Like
-
Tehnologıanyń qarqyndy damyp jatqan zamandamyz. Osy damýdyń jemisi bolǵan ınternet, gadjet sıaqty ónimderdi oryndy, shekteýli qoldanbaǵan jaǵdaıda birshama keleńsizdikterge jol ashatyny aqıqat. Sonyń ...
-
Muhıttyń plasıkpen lastanýy Prochlorococcus bakterıalarynyń joıylýyna sebep bolady. Al bul bakterıa atmosferaǵa 10% ottegi óndirip shyǵarady.
