InfoHub Logo

Meniń altyn qaıyrymdy jan qurbym Tileýbektegi Anarbekqyzy Júsipnemeresi Gúlsananyń boıyndaǵy eń bir erekshe unaıtyn qasıeti – onyń aqkóńildiligi men asqan meıirimdiligi. Árqashan kúlip júretin ol dosqa adal, aǵaıynǵa baýyrmal, adam bitkenge qaıyrymdy qyz. Eshqashan eshkimge joq demeıtin, qolyndaǵy baryn berýge daıar, ol ımandylyqty óz ómirine tý etip, adamgershilikti berik ustanǵan. Men Gúlsananyń árdaıym kúlip júretin kóńildi minezin, ómirsheńdik qasıetin joǵary baǵalaımyn. Ásirese, joqshylyqtan júdegen otbasylaryn únemi qolpashtap júredi. Aıta ótsem, Pavlodar qalasyndaǵy 4 balasymen qalǵan jalǵyzbasty áke Kaır Koshelekovke, Almaty qalasynda 4 birdeı múgedekti  baǵyp, ystyq-sýyǵyna tózip otyrǵan jigit Danıar Gýbaıdýllınge, Almaty qalasyndaǵy bir qyzymen qalǵan jalǵyz basty anaǵa, úsh kisiniń júrek otasyna, qos búıreginen aırylǵan Jamıla Baıserikovaǵa, dendra saıabaǵynyń janynda kómir, otyn saqtaıtyn qýystaı jerdi panalap otyrǵan otbasyǵa, 1 qyz 2 ulymen qalǵan jalǵyz basty anaǵa, birneshe otbasyna qolynan kelgenshe járdem bergenine ózim kýá boldym. Al, Shymkent qalasy Túrkistan saraıynda Erbol Baıyrbekov aǵamyzdyń «Súıgenińdi baǵala» atty shyǵarmashylyq keshinde 70 bılet  satyp alyp, qarttar úıimen jasóspirimder úıine úlestirip berdi. Óz týǵan ólkesi Maqtaaral aýdany Qyryqjyldyq aýylyndaǵy meshitke sońǵy úlgidegi esik tereze ornatty. Gúlsana ekeýmizdiń tanystyǵymyzǵa 5 jyldaı ýaqyt boldy. Osy ýaqyt ishinde onyń qattylyǵyn nemese adamdarǵa ashýlanyp, keıigen kezin kórgen emespin. Gúlsana árqashan aýrýlardy aıap, balalar úıindegi búldirshinderdi  jaqsy kórip júredi. Naýqas jandarǵa kómek, jyly sóz, adamı qarym-qatynas emes pe keregi? Gúlsananyń ataqtary men marapat qaǵazdary kóp-aq. Árıne, qurbym maqtanǵandy jany súımeıdi, bastysy bul emes, «ata anasy kenette qaza bolyp, týystary dalada qaldyrǵan 3 qyz, 4 uldy baýyryna basyp, 14 nemereniń qýanyshyna bólengen, búginde shóbere súıip otyrǵan jas áje», Gúlsana Anarbekqyzynyń jas pen kárige kómek qolyn sozyp, aq qanatty perishtedeı adam janyna jyly sózimen, meıirimdi júregimen ómirge degen qulshynysyn arttyrǵan, halyqtyń alǵys-saýabyn arqalaǵan jan. Qurbymnyń osy jolda qanaty talmasa eken, kóńilder tarylǵan zamanda adamdarǵa qaıyrymdy qolyn soza berse eken dep tileımin. 

     Eleonora Djýlık
Astana qalasy

---