InfoHub Logo

Qudaıǵa shúkir, elimiz egemendigin alǵaly etek-jeńimizdi jıyp, Islamǵa qatysty rýhanı dúnıelerimizdi túgendeýdemiz. Islamdy Elbasymyzdyń ózi bas bolyp: «Túbimiz Túrik, dinimiz Islam, kitabymyz Quran – Kárimdi nasıhattaýdy esten shyǵarmaıyq»-deıdi...

Osy rette  aýdan kóleminde dinimizben ulttyq bolmysymyzǵa jat dinı aǵymdar yqpalynan qorǵaný jáne adamdardyń dinı saýattylyǵyn arttyrý maqsatynda nasıhat jumystary keńinen júrgizilýde.

Máselen, «Qasymbek orta mektebi» KMM – niń tórinde Kasymbek aýylyq ishki saıasat bólimi qyzmetkeri Laýra Mahanqyzynyń uıymdastyrýymen ótken basqosý men Jambyl ólkesindegi «Báıdibek baba» meshitiniń bas ımamy Serik Joldasbekuly men  «Jambyl orta mektebi» KMM-niń dırektory Janna Nurbekqyzy qoldaýymen «Saltyńdy saqta – dinińdi saqta»- taqyrybyndaǵy súbeli kezdesýge QMDB - niń Jambyl aýdany ortalyq «Shynasyl» meshitiniń bas ımamy Qaljan Áribjanuly men bas ımam kómekshisi Azat Tohtaqululy arnaıy qatysty.

Kezdesýde tálimger men tálim alýshylardyń arasyndaǵy ádeptilik izgilik haqynda oı tolǵanyp, eldi eleń etkizgen ózge din ókilderiniń shyrmaýyna shyrmalyp qalmaý úshin dinı saýattylyq qajettiligi jaıynda basa aıtyldy.

Bereke birlik bolǵan jerde memlekettiń de irgesi bekı túsedi. Dástúrli din men teris dinı aǵymdardyń arajigin ajyrata almaýdyń sońy nemen aıaqtalyp jatqanyn teledıdardan, baspa betterinen, ǵalamtordan kórip júrsińder. Sondyqtanda, din salasyna qatysty suraqtaryńyz bolsa, onyń jaýabyn ǵalamtordan izdemeı, meshitke kelip ımamǵa qoıyńyzdar.  Shúkir, sońǵy kezde dinge senýshilik ustanymy kóbeıip keledi. Asyl dinimiz – Islam dini árbir adamdy qashanda aýyzbirshilikke, tatýlyqqa ýaǵyzdaıdy, - deıdi QMDB niń Jambyl aýdany ortalyq «Shynasyl» meshitiniń bas ımamy Islamhanov Qaljan Áribjanuly.

Budan soń oqýshylar qonaqqa kókeılerinde júrgen saýaldaryn qoıyp, oǵan tolymdy jaýap aldy.

– Búgin ımammen betpe-bet kezdesip, biraz maǵulymat aldyq. Rasynda da, dinimizdi aldymen ózimiz qurmet tutýymyz kerek. Men óz basym juma kúnderi meshitke baryp turamyn. Óıtkeni, ımandy bolsaq, jat isterge aıaq baspasymyz anyq. Úlken kisilerdiń de «ımanjúzdi bala eken» deıtini osy shyǵar deıdi - Marat esimdi oqýshy.

Moldaǵalıev Erhan Bolatuly  
Almaty oblysy Jambyl aýdany  
«Shynasyl» meshitiniń aqparattyq tilshisi

---