InfoHub Logo

Almatydan shyǵysqa qaraı 25 km jerde, İle Alataýynyń bókterinde, Talǵar ózeniniń oń jaq jaǵalaýynda ejelgi Talǵar qalasy ornalasqan. X ǵasyrdan bastap Talǵar «Talhır» degen atpen belgili bolǵan. Qalanyń ortalyq bóligi munaraly bekinis dýalymen qorshalǵan. Bekinis dýalynyń qazirde saqtalǵan bıiktigi — 5-6 m, qalyńdyǵy — 15-17 m. Qalaǵa soltústik-shyǵys jáne ońtústik-batys taraptan kirer eki qaqpa bar. Qurylys oryndarynyń qaldyktary bekinis syrtynda da kóptep saqtalǵan. Qalanyń jalpy aýmaǵy — 28 gektar. Qalanyń irgetasy b.z. IX ǵasyrynda qalanyp, XI-XII ǵasyrlarda gúldengen. XIII-XIV ǵasyrlarda qala kúıreı bastaǵan.

Qala ornynan zergerlerdiń, kózeshilerdiń sheberhanalary tabyldy. Olardan kysh ydys kúıdiretin peshter arshylyp, zergerler men ustalardyń, kózeshilerdiń, ershilerdiń qural-saımandary shyqty. Qalada teńge shyǵaratyn oryn bolǵan.

Gúldengen kezeńinde Talǵar İle óńiriniń ákimshilik-mádenı ortalyǵy bolǵan. Talǵar qazbalary búkil İle óńiriniń otyryqshylyq ómiri jaıynda qundy málimetter beredi.

---