InfoHub Logo

Bir kedeıdiń úıemeli-súıemeli eki balasy bar eken. Úlken uly jurttan shyqqan jylpos qýlyqshy bolsa, kishi uly jurttan izdep taba almaıtyn ańqaý eken. Mal degennen qara kúshin nan qylyp otyrǵan qara ógizi men sútin iship, tólin etqylyp otyrǵan býaz qyzyl sıyry bolypty. Kúnderdiń bir kúninde kedeıliktiń saldarynan úıinde ishetin asy da bitip, ashtyqqa kiripti. Ashtyq degen jaısyz jaǵdaı ǵoı, sondyqtanda bir úıli jannyń qutyn alyp, qabaqtaryn túsirip, túnertip qoıypty.

Ne iske bolsa da shydamy az ańqaý otyryp:

— Qyzyl sıyr da qasaryp buzaýlamady-aý, — depti. Al qýlyqshy aǵasy ashtyǵyn bildirtpeı ata-anasynyń túnergen kóńilderin aýlap, ańqaý inisin myljyńdata almaı yzalanyp otyr eken. Dereý inisiniń jańaǵy sózin estigen soń:

— Qyzyl sıyr buzaýlaýǵa jaqyn ǵoı, kórip keleıinshi, — dep qoraǵa shyǵyp ketipti. Qorada az bógelipti de, úıge asyǵa kirip:

— Oıbaı, qara ógiz buzaýlap qalypty, — depti.

Ańqaı ornynan atyp turyp:

— Ras pa? — dep qoraǵa júgire shyǵypty. Álden ýaqytta úıine kirip:

— Qıdy buzaýdan aıyra almaısyń ba? Artyna úıip qoıǵan qıyn buzaý deısiń, — dep sógipti.

Ata-anasy eki balasynyń kúldirgi isterine, ashtyqtaryn umytyp, qarqyldap kúlisipti.

---