InfoHub Logo

Ustazdyq etý – uly jol. Shyńy bıik, miner baspaldaǵy aýyr jol. Oqý men tynymsyz eńbektiń joly. Qýanysh pen kóz jastyń joly. «Ustazy myqtynyń – ustanymy myqty» deıdi qazaqta.   Mundaǵy «myqty ustaz» - jańaǵy aıtylǵan uly joldyń shyńyna jetemin dep talpyný. Alda turǵan nebir kedergiler men aýyr asýlardy baǵyndyra alý jáne oǵan qarsy tura biletin erik-jiger, myqtylyq, sabyrlyq pen tózimdilik. Osy qasıetterdi óz boıyna ushtastyra bilgen  ustazdy naǵyz óz isiniń mamany deıdi. Ustazǵa aqyn da, ǵalym da, malshy da, han da bas ıgen. Eren eńbegin qurmettep, ustaz esimin únemi ulyqtaǵan. Sebebi, ustazdyq etý -  úlken sheberlik. Sol sheberlikke joǵary baǵa bergenderdiń  biri -  orystyń ataqty pedagog demokraty, ári  pedagogıka ǵylymynyń naǵyz maıtalmanynyń biri -   K.D.Ýshınskıı edi. Ol óziniń bir sózinde: «Muǵalim isi syrttaı qarapaıym bolǵanymen – tarıhtaǵy eń uly istiń biri» dep úlken baǵa bergen bolatyn. Bul sózindegi «syrttaı qarapaıym» degenin bólek alyp qaraıyqshy. Iaǵnı, syrttaı qarapaıym,  jaı ǵana bir mamandyq. Muny biri túsinse, biri asa túsine bermeıdi, biraq muǵalim óz boıynda tek bir ǵana ustazdyqty, bir ǵana tálimgerlikti alyp júrmeıdi. Qajet kezinde akter de, ánshi de bolady. Uıymdastyrýshy, rejıser, bıshi, baǵdarlamashy, sýretshi...  Bul qasıetterdiń barlyǵy bir ǵana ustazdyń boıynan tabylatyny tań qaldyrady. Bir emes, birneshe asyl qasıetterdi óz boıyna arqalap júrgen aıaýly ustazdarymyzdyń eńbegi – baǵa jetpes asyl eńbek. Sol sebepti de  K.D.Ýshınskııdiń  ustazdyqty eń uly is, eń uly jol dep baǵalaýy beker emes.

Qajymaıtyn qaısarlyǵy men batyl mineziniń arqasynda ustazdar únemi tolassyz bilim men úlken izdenistiń ústinde júredi. Tarydaı balanyń saýatyn ashyp, árip tanytsa, taýdaı balaǵa bilim-ǵylym úıretedi. Oqýlyq pen kitap betterindegi árbir sózdiń, árbir sóılemniń úlken mańdaı termen kelgen eńbek ekenin túsine otyryp, ony balanyń sanasyna quıady, uǵyndyrady. Bilim berýdiń nebir qyrlary men syrlaryn ıgere otyryp, ony óz tájirıbesinde oryndy, tıanaqty, durys ári dál paıdalanyp, qoldanady. Bilimdi berý az, al ony qaıtaryp alý – mine basty maqsat. Ustaz úshin berilgen bilimniń qanshalyqty balanyń sanasyna jetip, kókeıinde qalýy mańyzdy. Bolashaqta ózi ekken aǵashynyń birtindep búrshik atyp, jemisin berýi – árbir ustazdyń qýanyshy men armany. Uly joldyń boıymen kele jatyrǵan uly ustazdarymyzdy ulyqtaý – tutas eldiń paryzy. Tarıhymyzǵa úńilsek, uly ǵulamalardyń ózi ǵylym jolyn ustazdyqtan bastaǵan. Úlken eńbekteri men tereń bilimderiniń arqasynda olardyń esimderi el aýzynda máńgilik.Ardaqty ustazdyń uly eńbegi tıisinshe ulylyqpen baǵalanýy kerek. Ózgenin balasyn óz balasyndaı kórip, onyń árbir basqan qadamy men jetken jetistigine shynaıy qýana bilgen ardaqty ustaz – ekinshi aıaýly ana! Sol sebepti de ustazdarymyzdy  ulyqtaıyq, aıalaıyq, qurmetteıik!

---