InfoHub Logo

Oǵyz han ózine qaraǵan eldiń barshasynyń musylman bolýyn talap etti. Musylman bolǵandaryn qurmettep, bolmaǵandarynyń ózin óltirip, bala-shaǵasyn qul qyldy.

Ol kezde Qara hanǵa táýeldi elderden basqa da jurttar kóp edi. Árbir úlken jurttardyń óz patshasy bolar edi, kishirek elder soǵan baǵynyp turar edi. Qara hannyń qol astyndaǵy musylman bolǵan elder Oǵyzǵa kelip qosyldy da, musylman emesteri ózge jurtqa qarap ketti.

Oǵyz han jyl saıyn mońǵol jurtynda otyrǵan eldermen soǵysyp, jeńip keler edi, aqyrynda olardyń bárin baǵyndyrdy. Qashyp qutylǵandary tatar hanyna baryp panalady. Tatarlar ol kezde shúrshitpen qatar otyratyn edi. Shúrshit degen bir úlken jurt edi, qalalary men kentteri kóp bolatyn, qytaıdyń soltústik jaǵynda bolatyn. Úndiler men tájikter ony «Shyn» deıtin.

Oǵyz han tatarlarǵa shabýyl jasady. Tatar hany kóp áskermen oǵan qarsy tura almady. Oǵyz jeńdi. Oǵyz han áskeriniń qolyna kóp olja tústi. Bul dúnıany artýǵa at-kóligi azdyq etti. Áskerdiń ishinde bir sheber adam bar edi, ol arba jasaýdy oılastyrdy. Sóıtip, arba jasap, barlyq oljany oǵan tıedi. Buryn arbanyń ózi de, aty da joq edi. Júrgende qańq-qańq etken dybys shyǵarǵanyna qaraı, onyń atyn «qańq» dep atady, ony jasaǵan kisini «qańqly» dedi. Búkil Qańly eli osy adamnyń balalarynan tarady.

---