Asqar Mamın: Bilim jáne ǵylym mınıstrliginiń aldynda aýqymdy mindetter tur
QR Úkimetiniń basshysy QR Bilim jáne ǵylym mınıstrliginiń ujymyna jańa mınıstrdi tanystyrdy, dep primeminister.kz saıty habarlaıdy.
A. Mamın Ashat Aımaǵambetovtyń bilim berý salasynda tıisti bilimi men úlken tájirıbesi bar ekenin atap ótti. Ashat Aımaǵambetov túrli jyldary Qaraǵandy oblysynyń Bilim basqarmasynyń basshysy, bilim jáne ǵylym vıse-mınıstri qyzmetterin atqardy, Qaraǵandy oblysy ákiminiń orynbasary boldy.
Premer-Mınıstr Bilim jáne ǵylym mınıstrliginiń aldynda aýqymdy mindetter turǵanyn aıtty. Bul - mektepke deıingi, orta, kásiptik-tehnıkalyq jáne joǵary bilimdi jańǵyrtý, suranysqa ıe zamanaýı mamandar daıarlaý, bilim jáne ǵylymnyń sapaly júıesin damytý.
Sondaı-aq Úkimet basshysy QR Prezıdentiniń Jarlyǵymen basqa jumysqa aýysýyna baılanysty QR bilim jáne ǵylym mınıstri laýazymynan bosatylǵan Kúlásh Noǵataıqyzy Shámshıdınova jemisti jumysy úshin alǵys bildirip, jańa orynda sáttilik tiledi.
«Kúlásh Noǵataıqyzy tájirıbesi mol basshy. Mınıstr qyzmetinde qarqyndy jumys istep, elimizdiń bilim berý salasynyń damýyna eleýli úles qosty», - dedi QR Premer-Mınıstri.
You Might Also Like
-
Amerıkalyq qundylyqtar ınstıtýty tarapynan jarıalanǵan «Fatherless America» (ákesiz Amerıka) atty eńbekte, kitaptyń avtory Devıd Blankenhorn [David Blankenhorn] bylaı deıdi: «...
-
«Óz ortasynan aıyryp, kerekti ortaǵa jutqyzýdyń jáne kóńiline úreı uıalatýdyń psıhologıalyq tásilderi kez kelgen adamdy tabyný obektisine (kúlt) nemese sektaǵa kirgizip alýy múmkin. Men osyl...
