InfoHub Logo

Ashat Aımaǵambetov bilim salasyndaǵy plagıatpen kúresetin júıe týraly aıtty.

«Akademıalyq adaldyq, plagıat máselesi kóterildi. Bul másele boıynsha da mınıstrlik tıisti sheshim qabyldaýda. Turnitin degen eń úzdik 15 myń ýnıversıtet qoldanatyn antıplagıattyq júıe bar. Sol júıege biz bıyl ulttyq jazylyp, qoldanýdamyz. Biz normatıvtik qujattarǵa ógerister engizdik. Endi barlyq kýrstyq, dıplomdyq jumystar, árıne dısertasıalar mindetti túrde osy júıeden ótedi», - dep toqtaldy mınıstr.

Onyń sózine qaraǵanda, jazylǵan eńbekter bul júıeden ótip qana qoımaı, sol júıede saqtalady. Sondyqtan, bir ret jazylǵan jumysty ekinshi ret qorǵap shyǵý múmkindigi budan bylaı bolmaıdy.

Sonymen qatar A.Aımaǵambetov burynǵy Bilim jáne ǵylym vıse-mınıstri Fatıma Jaqypovanyń máselesine qatysty pikir bildirdi.

«Osy máselede dısertasıany qaıtadan qarastyrý degen suraq boldy. Ony da qarap shyqtyq. Jalpy, 2009 jyly bul dısertasıa qorǵalǵan. Ál-Farabı atyndaǵy Qazaq ulttyq ýnıversıtetinde qorǵaldy. Sol ýaqyttaǵy talaptarǵa saı dep sanaımyz. Sondyqtan, búgingi kúni ol ǵylymı ataqty qaıtyp alýǵa zańnama aıasynda eshqandaı múmkindik bolmaı tur. Jalpy, bul kisini ózderińiz bilesizder, óziniń ótinishin jazyp, sonyń aıasynda qazir mınıstrikte jumys istemeıdi», - dedi vedomstvo basshysy.

Aıta keteıik, bıyl qarasha aıynda QR Úkimetiniń Qaýlysymen Fatıma Nadyrqyzy Jaqypova bergen ótinishine sáıkes, Qazaqstan Respýblıkasynyń Bilim jáne ǵylym vıse-mınıstri qyzmetinen bosatyldy .

Sonymen qatar Fatıma Jaqypovanyń ǵylymı dáreje men ataqty zańsyz taǵaıyndaý máselesi boıynsha ózine qatysty aıyptaýǵa jaýap berip, aıyptaýshylardy sotqa bergen.

---