InfoHub Logo

Baıandama
Taqyryby: Ata - ananyń mekteptegi alatyn orny
«Adamǵa eń birinshi bilim emes, tárbıe berilýi kerek, tárbıesiz berilgen bilim – adamzattyń has jaýy, ol keleshekte onyń barlyq ómirine apat ákeledi» delingen. Osyǵan baılanysty balany ómirge beıimdeýde mektep, muǵalim jáne ata - ananyń orny bólek. Mektep, ata - ana, ustaz bolyp birigip, sapaly bilimdi, sanaly tárbıeli, salaýatty urpaq tárbıeleý – negizgi maqsat. Sondyqtan maqalamyzda synyp jetekshiniń atqaratyn mindeti, ata – ananyń atqaratyn mindeti jáne olardyń birlesip jasalatyn jumysy men kútiletin nátıjesine toqtalyp otyrmyz.

Synyp jetekshiniń mindeti:
1. Ata – analarmen tyǵyz baılanysta bolý;
2. Oqýshylardy, ata – analardy synyptyq jáne qoǵamdyq ujymdardyń is - sharalaryna tartý;
3. Ár oqýshynyń jeke basynyń qasıetin, psıhologıalyq ereksheligin, jan - jaqty baqylap, zertteý, olardyń kásiptik baǵdarlyǵyn, ári ómirlik kózqarasyn qalyptastyrý, qabiletin jáne tanymdyq qasıetin damytý;
4. Taqyryptyq ata - analar jınalysyn ótkizý;
5. Ata - analar komıtetimen kezdesý;
6. Oqýshylardyń quqyqtaryn jáne áleýmettik jaǵdaıyn qorǵaýǵa kómek kórsetý;
7. Óz synybynda sabaqqa qatysyp otyrý jáne pán muǵalimderimen jumys.
8. Synypta bolǵan tótenshe jaǵdaılardy dereý mektep ákimshiligine habarlaý.

Ata - ananyń mindeti:
1. Balańyzdyń synyp jetekshisimen tyǵyz baılanysta bolýy;
2. Sabaqtan kelgen balanyń kúndelikti kúndeligin tekserip, kómek kórsetý;
3. Mektepishilik ata - analar jınalysyna qatysý;
4. Synyptyń ata - analar komıtetiniń tóraıymymen baılanysta bolý;
5. Balańyzdyń mekteptegi jaǵdaıyn jasaý barysynda óz erkińizben oqý - tárbıe is - sharalaryna qarjylyq kómek kórsetý;
6. Mekteptegi ashyq esik kúni balańyzdyń sabaǵyna qatysý.

Ata - analarmen júrgiziletin jumys
Ata - analarmen júrgiziletin jumys neǵurlym tıimdi bolýy úshin olarmen baılanystyń árqıly túrlerin qoldaný qajet. Keıbir synyp jetekshileri toqsannyń aıaǵynda úlgerim qorytyndylary týraly ata - analar jınalystaryn ótkizýimen jáne oqýǵa úlgermeýshi nemese tártipsiz balalardyń ata - analaryn barlyq ýaqytta birdeı kelisip áreket jasamaýy múmkin. Budan basqa synypta, mektepte bolatyn kez - kelgen jumystarǵa mektepishilik is - sharalarǵa, synyp jetekshilerdiń eń birinshi qoldap, demeý kórsetetin - synyp oqýshylarynyń ata - analary. Osyǵan baılanysty synyp jetekshi eń birinshi synyp ata - analar tóraıymymen jáne synyp ata - analarymen tyǵyz baılanysta bolýy kerek. Kez kelgen máseleniń jaýaby ata - analarmen sheshimin tabýǵa tıisti. Osy jospardy barlyq synyp jetekshileri bul máseleni birlesip durys jolǵa qoıa bilse, kóptegen jumystarymyzdan jeńildikter baıqalar edi. Osyǵan baılanysty kóptegen ata - analar synyp jetekshiniń aı saıyn ótkizetin ata - analar jınalysyna kelmeı de jatady, oqýshyńyzdyń ata - anasymen qalaı baılanys jasaý kerektigi jaıly sheshiletin kóptegen joldary bar.