InfoHub Logo

“Máńgilik El” bolý ata-babalarymyzdyń san myń jyldan  bergi  asyl armany edi. Táýelsiz Qazaqstandy Máńgilik El etý bizdiń urpaqtyń basty maqsatyna, ulttyq  uranymyzǵa, ulttyq ıdeıamyzǵa aınaldy. Máńgilik Eldiń irgetasyn qaladyq! 

N. Á. Nazarbaev   

Qazaq  - qaısar halyq.Búginde sol batyldyǵy men qajymas qaıratynyń arqasynda Allanyń úlken syıy  “ Táýelsizdikke”  qol jetkizip otyr.Bul úlken baqyt, árıne máńgilikke jalǵassyn dep tileımiz.Dese de bul kúres qazaq halqy úshin ońaı bolǵan joq Ata-babamyzdyń ary men zarynyń arqasynda, súıekten ótkizer saptaýly sóziniń arqasynda osy jeńistiń dámin tattyq. Qazirgi tańda osyndaı baǵa  jetpes baılyǵymyzǵa jıyrma segiz jyl tolyp otyr.

Azat kún týdy, qyrandaı erkin samǵaǵan,
Asyl armandy aqıqat kúnmen jalǵaǵan.
Uǵynsań elim, bostandyq atty baq qusy,
San ǵasyr boıy basymyzǵa da qonbaǵan!
Bul kúndi kútip batyrlar janyn qıysty.
Bostandyq alyp kúmbirlep ketti kúı ishki.
Erjúrek uly, qaısar qyzdary bar qazaq,
Máńgilik azat halyq bolýǵa tıisti!
Aq Orda tigip, Astana qylǵan qalasyn,
Tarıhyn tanyp, ardaqtap jatqan babasyn,
Barsha álem bilgen bóri-júrekti balasyn,
Qınalmaı óter aldynan shyqsa dara syn,
Kók týyń máńgi jelbireı bersin kógińde,
Aıbarly meniń asyl Alashym!

dep jyrlady Muhambetberdi aqynymyz.Oıly óleńimen oıyp túsken aqynymyz júrek sarynyn osylaı jetkizdi.Shynymen de táýelsizdik degende tebirenbeıtin qazaq joq. Sol bir 1986 jyldyń jeltoqsany halqymyzdyń júrek túkpirinde áli kúnge deıin saqtalǵan.Sol sáttegi qansyraǵan qazaq jastary  táýelsizdik úshin óz ómirlerin qurban etti. Qaırat, Erbol, Lázzat,Sabıra, syndy jeltoqsanda sóngen juldyzdarymyz aty álemge alpaýyt bolyp estilgen  Táýelsizdikti alyp berdi.“Qazaqstandy  ózimizdiń qazaqstandyq azamat basqarsyn.Biz demokratıany talap etemiz!”,-degen bir aýyz sóz búkil halyqtyń rýhyn kóterdi.Osylaı kóterilis bastaldy.Barlyǵynyń bir ǵana maqsaty boldy.Ol – azattyq.Alaıda Keńes úkimeti qarap jatqan joq. Kóterilisti toqtatqysy keldi, alańǵa shyqqandardy basyp janyshtaýǵa tyrysty.Qazaq qyzdarynyń shashynan súırep, qorlady. Al qazaq jigitterin ıtke talatyp soıqan ólimge ushyratty .Osylaı nebir sumdyq jaıttar bolyp jatty. 

Táýelsizdik ońaılyqpen kelmeıdi,
Bizge ony eshkim aıap bermeıdi.
Táýelsizdik – Qaırat, Lázzat, Erboldyń,  
Tas kóshede tas-talqan bop ólgeni.

Áne-mine degenshe qara bult astynan  jarqyraǵan kún shyqty. 1991 jyly  KSRO  ydyrap, onyń quramyndaǵy elder óz táýelsizdikterin ala bastady. Bizdiń elimizde 1991 jyly 16 jeltoqsanda “Táýelsizdik pen memlekettiń egemendigi ” týraly zańǵa qol qoıdy.Osylaı egemendi memleketke aınaldyq

Qazirgi tańda osyndaı erlikpen qol jetkizgen táýelsiz elimizdiń baryna Allaǵa myńda bir shúkirshilik etemiz. Sóz sońynda elbasymyz N.Á.Nazarbaevtyń halyqqa joldaýynan úzindi keltiremiz: “Elińniń uly bolsań, elińe janyń ashysa, azamattyq namysyń bolsa,qazaqtyń jalǵyz ulttyq memleketiniń nyǵaıyp-kórkeıýi jolynda jan terińdi syǵyp júrip eńbet et.Jerdiń de,eldiń de ıesi óziń ekenińdi umytpa!’’ Ata-babamyz amanat qylyp qaldyrǵan jerimiz óz qolymyzda. Ony qorǵaý, qojalyq etý bizdiń mindetimiz!

---