InfoHub Logo

Ilon Mask, Bıll Geıts, Djek Dorsı — osy kisilerdiń bári mıllıondaǵan adamǵa tanymal, sondyqtan tutynýshylar aldyndaǵy abyroıyn saqtaý jaıyn únemi oılap júrýge májbúr. Biraq árdaıym osylaı bolyp kelgen joq. Biz myna baıypty da baısaldy kisilerdiń banktegi shottaryndaǵy nólder sany kúrt kóbeıip ketkenge deıin qandaı bolǵanyn kórý úshin osy tanymal baı-baǵlandardyń eski sýretterin nazarlaryńyzǵa usynamyz.  

Osy sýretter jınaǵyn daıarlaý kezinde biz bul dókeıler, dál biz sıaqty, beıqam balalyq shaqty, jalyndatqan bozbala men boıjetkendik shaqty jáne tosyndyqqa toly jastyq shaqty bastarynan ótkergenin taǵy bir eske aldyq. Sonda osy bıznesmender bizge óz ulylyǵynyń fonynda kózge áreń ilinetin tastaı qatty, temirdeı berik kisiler sıaqty bolmaı qaldy.

Ilon Mask

^{© elonmusk / Twitter   © Xinhua News/East News}

18 jastaǵy Mask kókesiniń fermasynda jumys istep júrgende dáýleti mıllıardtaǵan dollardy quraıtyn tabysty kásipker jáne ónertapqysh bolatyny úsh uıyqtasa túsine kirmeıtin.    

«Ol kezde janyp turǵan ot edim ǵoı», — dep Mask óziniń eski sýretine kommentarıı jazdy. Biz de onyń bul sózimen kelisemiz.

Oqýǵa keńes beremiz:

Ilon Mask degen kim jáne álemniń ózgerýine qandaı yqpaly bar?

Eńbekqordyń qupıasy: Ilon Mask qalaı jumys isteıdi?

Pavel Dýrov

^{© durov / Instagram   © durov / Instagram}

Kishkentaı Pavel Dýrov bir-eki jyl Týrındegi (Italıa) bastaýysh mektepte oqydy, sosyn Lenıngradqa (qazirgi Sankt-Peterbýrg, Reseı) kóship ketti de, ol jerde gımnazıaǵa bardy. Ol gýmanıtarlyq ǵylymdarǵa yntasy bar qabyletti oqýshy boldy.  

Pavel 24 jasqa tolǵanda «VKontakte» áleýmettik jelisin qurdy, al 2013 jyly Telegram messendjerin iske qosty. Bul eki ónimge de kópshiliktiń yqylasy erekshe, al olardy qurǵan adam Forbes jýrnalynyń pikirinshe planetamyzdaǵy 200 eń baı adamdar tiziminde júr.   

Bıll Geıts

^{© Public domain / Wikimedia   © thisisbillgates / Instagram}

70-jyldary Bıll Geıtsti polısıa eki ret ustaǵan. Eki jaǵdaı da júrgizýshi kýáliginsiz kólik aıdaǵanyna baılanysty. Osyndaı kúnderdiń birinde alǵashqy sýret túsirilgen.

Ol kezde Bıll Geıts qurǵan Microsoft kompanıasy jańa damyp kele jatqan bolatyn. Alaıda, biraz ýaqyt ótken soń, ol kompanıadan túsetin paıdanyń artqany sondaı, Bıll 18 jyl boıy jer-jahandaǵy eń baı adam bolyp júrdi.

Oqýǵa keńes beremiz:

Bıll Geıtsten tabysty bolýdyń 10 erejesi

Bıll Geıtstiń kóshbasshylyq syrlary

Djeff Bezos

^{© jeffbezos / Instagram   © Daniel Lynch / eyevine / EAST NEWS}

Bozbala kúninde Djeff McDonald's-ta jumys istedi jáne kúnderdiń kúninde mıllıarder bolyp ketemin dep oılaı qoıǵan joq-aý. Alaıda, jyldar óte kele, ol Amazon kompanıasyn qurdy da, sonyń arqasynda $ 135,6 mlrd taýyp, 2018 jyly álemdegi eń dáýletti adam bolyp tanyldy.  

Oqýǵa keńes beremiz: Álemniń eń baı adamy atanǵan Djeff Bezos degen kim?

Djek Dorsı

^{© jack / Instagram   © Hindustan Times/Imago Stock and People/East News}

Bolashaq Twitter-di qurýshy Djek Dorsı 14 jasynda ınternet arqyly taksı jáne kýrerlerdi shaqyrýǵa bolatyn baǵdarlamalyq jasaqtamany jasap shyǵardy. Sondaı-aq bolashaq mıllıarder jas kezinde fotomodel bolyp ta jumys istedi.

«Shyqylyqtaıtyn» mıkroblogtar jelisi Dorsı 30 jasqa kelgen kezde iske qosyldy. Qazirgi tańda ol jelini qurýshynyń baılyǵy $ 5,2 mlrd-qa jetip otyr.  

Rıchard Brenson

^{© richardbranson / Instagram   © richardbranson / Instagram}

Rıchard Brenson kishkentaı kezinen bastap-aq óziniń jeke kásibin ashýǵa tyrysyp baqty. Mektepte oqyp júrgeniniń ózinde ol jańa jyldyń tóńireginde satylatyn shyrshalardy ósirýge jáne buıra totyqustardy ósirýge tyrysty. Onyń bul eki jobasy da iske aspaı qaldy.  

Brensonnyń alǵashqy tabysty bastamasy Student jýrnaly boldy, onda basqa adamdardy sanamaǵanda, Mık Djaggerdiń jáne Djon Lennonnyń jazǵandary basylatyn. Rıchard 17 jasta bolǵan kezde ol óziniń birinshi Student Advisory Center qaıyrymdylyq uıymynyń negizin qalady.   

Búgingi tańda 68 jastaǵy Rıchard Brenson Ulybrıtanıanyń eń baı turǵyndarynyń biri bolyp sanalady. Ol quramynda 400-ge jýyq ártúrli kompanıalar bar Virgin Group korporasıasynyń negizin qalaǵan.

Oqýǵa keńes beremiz:

Rıchard Brensonnyń boıyńdy rýhtandyratyn 11 danalyq sózi

Sara Bleıklı

^{© sarablakely / Instagram   © sarablakely / Instagram}

Birinshi sýrette bolashaq bıznesvýmen 21 jasta. Ol stýdent jáne bar armany — ol uzyn qara qolań shash (sýretke túsý úshin bul boıjetken parık kıip tur).

Kolejdi bitirgen soń Bleıklı komıvoıajer bolyp jumys istep, «esikten esikke deıin» ádisin qoldanyp faksımıldik apparattardy satty. Saranyń ýnıformasy kolgotka kıýdi talap etetin, biraq ol boıjetken ylǵaldy ári ystyq Florıdada jaısyzdyq sezinbeı kúni boıy júrýge bolatyndaı oıynan shyqqan kolgotka taba almady.    

Osy sebepti, sheshesiniń kómegine súıengen Bleıklı ózi sondaı shulyq ónimderi toptamasyn jasap, ony patenttep aldy. Keıinirek boıjetken taǵy ishkıim óndirisine den qoıyp, qurylǵanynyń alǵashqy jylynda-aq $ 8 mln paıda ákelgen Spanx kompanıasyn uıymdastyrdy.  

Krıshtıaný Ronaldý

^{© Cristiano Ronaldo / Twitter   © cristiano / Instagram}

Krıshtıaný Ronaldý fýtbolmen 8 jasynda aınalysa bastady. Sol kezden beri ol tarıhtaǵy eń qymbat fýtbolshyǵa aınaldy (2009 jyly ıspandyq «Real Madrıd» klýbyna aýysýy úshin aǵylshyndyq «Manchester Iýnaıtedke» £ 80 mln tólendi) jáne birneshe márte chempıonattardyń úzdik bombardıri bolyp tanyldy.  

Chempıondar lıgasyndaǵy kezekti jeńisinen keıin Ronaldý óziniń bala kezindegi sýretin Twitter-de jarıalady. Sýrette Nike belgisi men «Bul bala bilgen» degen jazý bar.   

Bir atap aıtatyny, fanattary sportshynyń sýrette Adidas fýtbolkasyn kıip turǵanyn baıqap qoıǵan. Bul, árıne, áleýmettik jelide otyratyndardyń kóńilin biraz kóterip tastady.   

Mark Sýkerberg

^{© Mark Zuckerberg / Facebook   © Kyodo / East News}

Mark Sýkerberg kópbalaly otbasynda dúnıege keldi, ol 4 balanyń ishindegi jalǵyz ul boldy. Mektepte oqyp júrgende-aq ol baǵdarlama qurýǵa qyzyǵa bastady. Onyń alǵashqy jobalarynyń biri «Táýekel» oıynynyń jelilik nusqasy edi.    

2004 jyly Mark Sýkerberg óziniń bir top nıettesterimen birlesip, Facebook áleýmettik jelisin qurdy. Ol kezde jelini qurýshy 20 jasta ǵana bolatyn. Bul jobanyń buqara arasyndaǵy tanymaldyǵy Mark Sýkerbergtiń birneshe jyl ótken soń dáýleti $ 71 mlrd quraıtyn ǵalamshardaǵy eń baı adamdardyń alǵashqy ondyǵyna kirýiniń sebebi boldy.

Tabysqa aparatyn kez kelgen istiń óz bastaýy bar. Eń baı jáne áıgili kisiler kóbinese qarapaıym balalar ishinen ósip shyǵady. Óz balańyzǵa kóz salyńyzshy. Bir kúni ol da osyndaı bir maqalanyń keıipkeri bola ala ma, qalaı oılasyz?

Oqýǵa keńes beremiz:

Óz qatelikterińizden sabaq alýǵa úıretetin 3 sóz

Ózgelerdi kinálaýdy doǵartatyn 3 qadam

Aqyldy adamdar jasaıtyn aqymaq áreketter

Adamdardyń ómirde kóp jiberetin 5 qateligi

Uly adamdardyń qalyptasqan ádetteri

Sátsizdiktiń úsh kezeńi

---