InfoHub Logo

Densaýlyq — eń birinshi baılyǵymyz! Osy sózdiń túpki maǵynasyn tolyq túsine almaı jatamyz. Qazirgi kezde tipti jańadan týylǵan náresteniń ózi túrli aýrýlar men álsizdikpen týylyp jatady. Bizdiń bolashaǵymyz, urpaǵymyz deni saý, myqty bolý úshin ózimizden bastaýymyz qajet. Qazirgi kezde áleýmettik jeliler men kóptegen túrli kompúterlik oıyndarǵa qatty berilip ketkeni sonsha qalaı tań atyp, qashan kesh batqanyn ańǵarmaı jatatyn kezderi de kezdesedi. Qozǵalyssyz ómirdiń arty semizdikke, al semizdik adam organdarynyń jumys atqarý prınsıpteriniń ózgerýine alyp keledi. Túrli dáriler men ártúrli myqty-myqty dárigerlerdi izdegenshe, otbasyńmen, dostaryńmen  serýendeıtin jer izdeý artyǵyraq emes pe? Almaty — tabıǵaty keremet, jastardyń qalasy. Qysy-jazy kórkem tabıǵattyń sulýlyǵyna qarap toımaısyń. Ásirese, taýlary men ózen-kólderi. Qala turǵyny bolǵandyq, kóbinese, kóp ýaqytymyz qoǵamdyq kólikte nemese kólik keptelisinde ótetini ras. Senbi, jeksenbi nemese mereke kúnderi Almatynyń kermet tabıǵatyn tamashalaýǵa keńes beremin. Aptanyń bir kúnin óz denskýlyǵyńyz úshin taýǵa kóterilip, taza aýamen tynystalyp, óz-ózińizben bolyp, tabıǵatpen syrlasa bilińiz. Qala belsendileriniń qataryna qosylyp sizde salaýatty ómir saltyn ustana bilińiz. Alataýdyń bıik taýlaryna kóterilip nemese Almaty alaqandaı kórinetin Kóktóbege shyǵýǵa keńes beremin.

21 sáýir kúni jylda ótetin "AlmatyMarafon-2019" ótti. Dúbirli marafonǵa jalpy 18 myń  adam qatysty. Qazaqstannyń túkpir-túkpirinen qatysýshylar men qatar 53 eldiń qatysýshylary Almatynyń keń kóshelerimen júgirip ótti. Jeksenbi kúni qatysýshylar saǵat 6:30 dan bastap jınalyp, tańǵy jattyǵýlaryn sol jerde jasap, júgirýge daıyndaldy. Qala turǵyndary men qonaqtaryń konserttik baǵdarlamalar men kóptegen konkýrstar uıymdastyrdy. Júgirý qashyqtyǵy boıynsha balalarǵa — 3km , eresekterge- — 42,2 km jáne 21,1 km. Marafonda kóptegken sportsmenderdi kórip ózińe motıvasıa alady ekensiń. Men osyndaı marafonǵa ekinshi ret qatysýym. Eń alǵash 21,1km qashyqtyqqa júgirip ózim úshin jaqsy nátıje kórsetkenmin. Al bıyl ótken jyldy nátıjemdi jańartyp, odan da jaqsy nátıje kórsettim. Jaqsy nátıje kórsetkenim úshin medalmen marapattalyp, bir qýanyp qaldym. Endigi aldaǵy maqsatym, jyl saıyn osyndaı marafonnyń qatysýshysy ataný. Bıyl jastar jyly bolǵandyqtan, uıyqtap bos ýaqytty ótkizbeýimiz qajet. Biz osyndaı shaǵyn jetistikterden bastaýymyz qajet. Qatysyp sen ózińe tájirıbe jınap, shyńdalasyń. Qoǵamǵa kishkentaı bolsyn paıdamyzdy tigizbesek, nesine Qazaqstannyń azamaty bolyp júrmiz? Árqashan qoǵamǵa belsene aralasa bileıik! Deni saý adam alǵa qoıǵan maqsatyna jete biletin,qoǵamda óz oryn taba biletin, árqashan jeńiske umtylatyn tabıǵattyń eń qymbat jemisi bolyp tabylady. Sondyqtan, salaýatty ómir súrip, elimizdiń kók baıraǵyn tek bıikterden kórsete bileıik.

ál-Farabı atyndaǵy Qazaq Ulttyq Ýnıversıtetiniń

Áskerı kafedra stýdenti Jambyl A D

---