InfoHub Logo

Qart kisi qasyna 25 shamasyndaǵy balasyn ertip, poezd vagonyna minip, óz oryndaryna jaıǵasty. Poezdyń ornynan qozǵalǵany sol edi. Ol daladaǵy aýa aǵymyn sezingisi keldi me ashyq turǵan tereze kózinen qolyn syrtqa shyǵardy. Kenet ol:

— Áke, kórdińiz be, barlyq taldar artqa qaraı júrip bara jatyr! — dep tańyrqaı aıqaı saldy. Ákesi balasyna qarap jymıdy da qoıdy. Olardyń qastaryna erli-zaıyptylar jaıǵasqan bolatyn. Olar 25-tegi eresek azamattyń balasha sonshalyqty qýanǵanyna tańyrqap qarap qalypty. Birazdan soń jigit:

— Áke, qarańyzshy, janýarlar men kólder poezdben birge júrip keledi, — dep, taǵy da qýana da tańyrqaı aıqaılady.

Otyrǵan erli-zaıyptylar jigittiń oqys qylyqtaryna úrke de úreılene, jigitke, onyń ákesine kezek-kezek qarady. Biraq ákesiniń betinen eshqandaı qorqynysh baıqalmady. Kerisinshe qart ákeniń balasyna karaǵan kózderi meıirimge toly edi.

Bir ýaqytta jaýǵan jańbyr tamshylary jigittiń qoldaryna tıip jatty. Jigit ózin baqytty sezingeni sonshalyq, kózderin tars jumyp alyp, taǵy da aıqaılady.

— Áke, jańbyr jaýyp jatyr. Meniń qolyma tamyp jatyr, qarańyzshy áke, kórip tursyz ba? 

Syrttaı baqylap otyrǵan erli-zaıyptylar jandary ashydyma, álde kómekteskileri keldi ma, belgisiz. Qartqa qarap:

— Keshirińiz ákeı, nege balańyzdy aýrýhanaǵa aparyp, kórsetpeısiz? — dep surady.

Esh nárse túsine almaı, kózderi sharasynan shyqqan ekeýge qart áke bylaı dep jaýap qatty: 

— Bizdiń sol aýrýhanadan shyqqanymyz osy. Meniń balama birinshi ret kóz janary oraldy, — dep kózine jas aldy.

---