Aýstralıada bilim alýdyń artyqshylyqtary

Aýstralıa bilim júıesiniń sıpattamasy

1. Eldegi 10 myń mektep, 660 kásibı-tehnıkalyq oqý orny men 39 ýnıversıtet joǵary sapaly bilim berý baǵdarlamalarymen jumys jasaıdy. Kóptegen JOO-dary arnaıy mamandandyrylǵan salalarda jetistikke jetken, atap aıtsaq aqparattyq tehnologıa jáne telekomýnıkasıa boıynsha álem moıyndaǵan. Budan bólek eresek adamdarǵa (jasyna qaraı) arnalǵan qoǵamdyq kolejder jelisi jumys jasaıdy.

2. Ýnıversıtet deńgeıinde túrli pánder boıynsha gýmanıtarlyq baǵyttan jaratylystaný, jarnama, marketıń boıynsha bilim alýǵa múmkindik jasalǵan.

3. Memlekettik jáne jekemenshik óndiristik-tehnıkalyq oqý oryndary qoldanbaly baǵdarlama: býhgalterıa, bıznesti júrgizý, marketıńtik zertteý, týrızm jáne qonaq úı, sondaı-aq arnaıy kýrstar (máselen, slesarlyq, elektrıkterdi daıyndap shyǵarý) boıynsha oqytady.

4. Aýstralıanyń oqý oryndary biryńǵaı ulttyq úlgide dıplom beredi jáne bir bilim sektoryn ekinshisimen kedergisiz aýystyrýǵa bolady (máselen, óndiristik-tehnıkalyq kýrstan ýnıversıtet baǵdarlamasyna erkin aýysyp ketýge múmkindik berilgen).

5. Oqý oryndarynda zamanaýı tehnologıalar men oqytýdyń ozyq ádisteri paıdalanylady. Berilgen materıaldar men aqparattardy ıgerýdiń yńǵaıly, tıimdi tásilderi usynylady. Aýstralıada qashyqtan oqytý júıesi bir jolǵa qoıylǵan, ásirese onlaın tehnologıasynyń artyqshylyqtary keń kólemde qoldanylady.

6. Kóptegen aýstralıalyq bilim baǵdarlamalary elden tys aýmaqta vırtýaldy túrde oqýǵa múmkindik beredi. Máselen, stýdentter óz elinen eshqaıda barmaı-aq Aýstralıanyń oqý ornynda oqyp, onyń dıplomyn ala alady.

7. Aýstralıada bilim alý quny onyń sapasyna baılanysty. Zertteý qorytyndysy boıynsha, Aýstralıada bilim alý quny Amerıka men Ulybrıtanıada oqý shyǵyndarymen salystyrǵanda aıtarlyqtaı tómen.

8. Shetel stýdentteri arasynda júrgizilgen saýalnama nátıjesine qaraǵanda, Aýstralıada bilim alý aıtarlyqtaı tanymaldyqqa ıe. Osy memleketten bilim alyp, elderine oralǵan shetel stýdentteri joǵary qyzmetke ornalasa alady. Aýstralıanyń halyqaralyq bilim berý salasy úkimet pen bilim berý qurylymdarymen tyǵyz baılanysta jumys jasaıdy.

2000 jyly Aýstralıada bilim alǵan sheteldik stýdentter, sondaı-aq shetelde aýstralıalyq bilim berý baǵdarlamalaryna qatysqandar sany 15%-ǵa ósken. Bul kórsetkish Aýstralıanyń sheteldik stýdentter sanymen aldyńǵy oryndardan kórsetti. Óıtkeni sheteldik stýdentter arasynda tanymal AQSH pen Ulybrıtanıada bul statısıka nebári 5%-ǵa ósken. Osylaısha Aýstralıa basqa eldermen salystyrǵanda, joǵary oqý ornyndaǵy stýdentter sany boıynsha kósh bastap otyr (12,6%).

Úkimet júrgizgen zertteý qorytyndysyna sáıkes, elde bilim alǵan stýdentterdiń 89%-y bilim sapasyna qanaǵattanatyndyǵyn bildirgen. Budan bólek, Aýstralıa shetel stýdentteriniń quqyqtaryn qamtamasyz etý boıynsha aldyńǵy qatarly el. Onyń ústine Aýstralıada tabysty ofshorlyq baǵdarlamalar qurý, jergilikti oqý oryndarymen seriktestik baǵdarlamalar, onlaındyq baǵdarlama, túrli franchaızıńtik kelisimder jasaý jolǵa qoıylǵan. Mundaı ofshorlyq yntymaqtastyq memlekettik jáne jekemenshik sektorlardaǵy túrli halyqaralyq uıymdarmen baılanys pen seriktestik qarym-qatynas ornatýdaǵy zor tájrıbe aıqyndaıdy.

Aýstralıanyń ýnıversıtetteri álem boıynsha kompanıalarda, úkimettik departamentter men ortalyqtarda bilim berý men oqý baǵdarlamalaryn ázirleý men ilgerletýde de kóshbasshy. Qashyqtan onlaın ádisimen oqytatyn mamandar áleýetti klıentterdiń biliktiligin arttyrýǵa múmkindik jasaıtyn baǵdarlamalardy jaqsy meńgergen. Sonymen birge olar «Aǵylshyn tili ekinshi til» (English as a Second Language (ESL)» baǵdarlamasynyń barlyq deńgeılerin, sondaı-aq tehnıkalyq mamandardy korporatıvtik oqytýǵa mamandanǵan.

Aýstralıalyq bilim berý ádisteri álemdik qaýymdastyqta óziniń orny bar jáne ol kópshilikti qyzyqtyrady. Aýstralıalyq dıplomy bar zamanaýı mamandarǵa suranys artqan. Sonymen qatar, Halyqaralyq qaıta qurý jáne damý banki men Azıa damý banki qarjylandyratyn jobalardy ázirleýge aýstrıalyq tájirıbe qoldanylǵan.