InfoHub Logo

«Aýzy qısyq bolsa da, baı balasy sóılesin...». 

Shirkin, tilimiz maqal-mátelge, frazeologızmder men ıdıomalarǵa baı ǵoı! Halqymyz da rýhanı kemeldigi joǵary, álemdegi danagóı ulttyń biregeıi. Ár maqal-mátel, salt-dástúr men ádet-ǵuryptyń ózindik uǵymy men máni bar. Alaıda, keı maqaldar kóz aldymyzǵa baıyrǵy zamanda qazaq qoǵamynda boı kótergen áleýmettik teńsizdikti elestetedi. Kóbimiz osylaısha týra maǵynasynda túsinemiz. Al, negizi atalmysh maqaldyń maǵynasynyń tórkini áldeqaıda tereńde jatyr eken. Bul eshqandaı ádiletsizdik, teńsizdik jaıynda emes, bilim men oqý-ǵylymnyń qundylyǵy jaıynda aıtylǵan dana sóz eken! Qazaq dalasynda bilim joǵary baǵalanǵan. Eldiń kórgeni kóp kósemderin, oqyǵany kóp adamdaryn jurt ózderine pir tutyp, jańa aqparat alýǵa, bilim nárimen sýsyndaýǵa árdaıym yntyq bolǵan desek, artyq bolmas.

Al, kimniń shańyraǵynda birinshi kezekte osyndaı halyqqa qalaýly, bileri kóp aqyn-jyrshylar, sal-seriler, sultandar bas qosqan? Árıne, abyroıy mol baıdyń úıinde. Demek, baıdyń balalary elge syıly, zıaly qaýymmen bir úıde bolyp, solardyń astarly áńgimesine qanyq bolyp, jyr-dastandardy, epostar men kúılerdi tyńdap, boılaryna darytady. 

Osylaısha, aqyldy da, sanaly bolyp ósip, eldiń aldynda sóz sóılep, kósh bastaýǵa úırenedi. Sondyqtan da, qansha «aýzy qısyq bolsa da, baıdyń balasy sóılesin» degen eken. 

Úırenshikti maqal-mátelge osyndaı, jańa qyrynan qarasaq qalaı?

Baqbergen Arýjan

---