InfoHub Logo

Qazaqstannyń demalys oryndaryndaǵy qyzmet kórsetý (servıs):Alakóldegi demalys.

Tabıǵatta demalý kimge bolsa da artyq etpeıdi. Tipti aqshamyz jeterlikteı bolsa, shetke shyǵýǵa asyǵamyz.

Qazirgi tańda kóz tartarlyqtaı demalys oryndary kóp bolǵanymen, qyzmet kórsetý sapasy aýyz toltyryp aıtarlyqtaı keremet deı almaımyz.Statısıkaǵa súıene qarasam, Qazaqstandyqtar ásirese Alakólge jıi barady.Kólemi jóninen elimizdegi sý aıdyndary ishinen ekinshi oryndy alatyn kólge 15-ke jýyq ózen kelip quıady eken. Sýynyń emdik qasıeti bar. Sýdyń quramynda hlorıd-natrıı tuzy bolǵandyqtan, ol adam densaýlyǵyna oń áser etedi. Keı derekterge kóz salsaq, Alakólge jylyna 250 myńnan astam demalýǵa keledi eken.

Alakólde jekelegen pansıonattar, sondaı-aq jeke úıler de qonaqtardy jatyn orynmen, tamaqpen qamtıdy. Pansıonatta bir adamǵa kúnine 5-15 000 teńge aralyǵynda shyǵyn shyǵýy múmkin. Onyń ishine 3 mezgil tamaq ta kiredi. Jekelegen úılerge ornalassańyz, odan arzanyraq bolýy múmkin, biraq qyzmet kórsetý deńgeıi de baǵasyna saı bolady. Kólden basqa tabıǵat tańǵajaıyptaryn tamashalaǵyńyz kelse, jaqyn mańdaǵy Jalańashkól rodon bulaǵyna, Jońǵar Alataýyna barýyńyzǵa da bolady.

Osyndaı múmkindikti paıdalaný nátıjesinde jyldan jylǵa kól boıyndaǵy servıstik qyzmet kórsetý deńgeıi ósip keledi.

Alakólge den men jan saýlyǵyn qalypqa keltirip, qala qarbalasynan tynym taýyp, dalanyń erkin jeline boı sergitpek jandar umtylady. Osynaý umtylysty tolyqtaı qanaǵattandyrarlyq jaǵdaı Alakólde tolyqtaı jasalǵan: túrli qonaq úıler men demalys ortalyqtary, jaıly jaǵajaı, belsendi demalys oryndary jeterlik.

Alakóldiń tuzdy sýynan Mendeleev kestesindegi ıodtan basqa búkil elementterdi kezdestirýge bolady. Bul óz kezeginde kóptegen aýrýdy emdeýge kómektesedi. Tek sýy ǵana emes, mundaǵy kúkirtsýtekti balshyqtar da, mıneraldy tuzdarǵa baı qurǵaq taza dala aýasy da adam janyna daýa bola alady.

Óńirde emdeý-saýyqtyrý týrızimin damytý boıynsha Aqtúbek aýylynda «Alakól – Arasan» balshyqpen emdeý-saýyqtyrý ortalyǵy jumys isteıdi.

Elimizde týrızmdi damytý – memlekettik saıasattyń basym baǵyty. Týrızmdi damytý arqyly Qazaqstannyń ekonomıkalyq jaǵdaıyn jaqsartyp, birqatar áleýmettik máselelerdi sheshýge bolatyny da belgili. Qazaqstanda týrızmdi damytý úshin barlyq qajetti mádenı, tarıhı, geografıalyq jáne klımattyq jaǵdaılar jetkilikti. Táýelsizdik alǵan soń mádenı jáne tarıhı qundylyqtardy jańartýǵa baǵyttalǵan bul salany damytýǵa alǵysharttar jasaldy.

Sońǵy jyldary el úkimeti týrızm salasyn damytýǵa negizdelgen maqsattardy aıqyndap, ásirese, básekege qabiletti 30 eldiń qataryna qosylý stragetıasy boıynsha naqty mindettemeler júktep otyr. Ulttyq týrızm sektory joǵary deńgeıdegi jan-jaqty damyǵan ınfraqurylym arqyly atalmysh strategıanyń oryndalýyna óz septigin tıgize alady. Sondaı-aq,  memleket júktegen taǵy bir mindetterdiń biri – Orta Azıa aımaǵyndaǵy týrısik ortalyqqa aınalý. Bul baǵdarlamany damytý úshin memlekettiń búdjet qorynan 59 mlrd teńge bólingen.

Týrızm salasy – Qazaqstan ekonomıkasyndaǵy qarqyndy salalardyń biri. Halyq­aralyq sarapshylardyń pikirine súıensek,  qazirgi kezde týrızm álemdik ekonomıkadaǵy qarqyny tómendemeıtin salanyń birine jatady. Týrızm kóp elderde jalpy ishki ónimniń qalyptasýyna, qosymsha jumys ornyn qalyptastyrýǵa, syrtqy saýda balansynyń belsendiligine yqpal etedi. Sońǵy jyldary týrızm álemdegi eń tabysty bıznestiń birine aınalyp úlgerdi. Týrızm salasynyń jyldan-jylǵa mańyzy artyp, halyq­aralyq baılanysta jáne valútalyq túsim kózi retinde kóp memleketter atalmysh salaǵa basa nazar aýdarýda.

Kasımbek Janel

---