InfoHub Logo

1. Shyǵarmany qalaı jazasyz, qolmen be, mashınkamen be?
Mashınka túgili bashpaımen jazatyndar bar, men áli qolmen jazamyn.

2. Jazý ústindegi kóńil kúıińiz?
Jazyp otyrǵanda myǵym-aqpyn, jazyp bolyp topqa túskende jańa túsken kelinshekpin.

3. Bitken týyndyńyzdy qalaı minep, jóndeısiz?
Ózge bireý onyń bir sózine qol tıgizse, maǵan shanshý qadalady. Ózim ony pyshaqtasam da janym enedi.

4. Jyldyń qaı mezgilin unatasyz?
Árıne kóktemdi. Kóktem jerdi de, kóńildi de kóteredi.

5. Jaqsy kórer maqalyńyz qaısy?
Paıdasyz myń sózden barmaqtaı ǵana paıdaly bir is artyq.

6. Pir tutatyn jazýshyńyz kim?
Súıgenimdi, bıik kórgenimdi ataı bersem uzaq tizim. Biraq birde-birin pir tuta almadym.

7. Qaı oıshyldyq qaı sózi kókiregińizge uıalady? Oıshyldardyń kókirekte qaldyrǵany kóp, tize bersem bul da bir kitap. Oıshyldar árqıly, baıaǵynyń máńgileri de oıshyl bolǵan. Aqyldy oı bútin basqa bir ense, súıreseń de shyqpas, jyrtyq basqa shynjyrlap baılasań da turmas.

8. Eń sońǵy oqyp shyqqan kitabyńyz?
Gorkııdiń «Portretterin» taǵy da bir oqyp shyqtym.

9. Kimdi oqı almaı júrsiz?
Oqyǵanym oqymaǵanymnan, bilgenim bilmegenimnen istegenim istemegenimnen áldeqaıda az.

10. Kóńilsiz sátterden qalaı arylasyz?
Meniń kóńilsizdikke isteıtin emim: eńbek, saıahat, taza aýada boı jazý, kishkentaı nemerelerimmen oınaý.

11. Qumar mashyǵyńyz?
Tek jaqsyny kórý. Birer jaman da mashyǵym bar, ony aıtýǵa uıalam.

12. Neni jaqtyrmaısyz?
Tolyp jatyr: aram ómir, syldyr sóz, jıi jınalys, maqtan, ósek, zulymdyq.

13. Qandaı minezdi qasıet tutasyz?
Segiz qyrly, bir syrly, ádil, aq minez — uly qasıet.

14. Sportqa qalaısyz?
Unatamyn. Az da bolsa sportpen aınalyspaǵan kúnim joq.

15. Ókinishińiz?
Ómirdiń kóbin bos jiberippin. Endi qysqa jip kúrmeýge kelmeı jatyr.

16. Kóńilińizdi mazalap júrgen keıipker bar ma?
Bar. Biraq, qursaqtaǵy bala qandaı bolyp shyǵaryn kim biledi.

17. Til jaǵynan kimnen úırenesiz?
Halyqtan ǵana.

18. Óz shyǵarmańyzdyń qaısysyn sáttirek shyqqan deısiz?
Ózim súısinbegen shyǵarmalarymdy jaryqqa shyǵarǵanym joq. Jaryqqa shyqqanymnyń birde-biri kóńil bıiginde turaqtap tura almady.

19. Keler jylǵa sálemińiz?
Jańa jylda jer semiz, el semiz bolǵaı-aq, eńbek qyrmany tasyǵaı-aq.

1964

---