InfoHub Logo

«№26 mektep-balabaqsha» KMM
Torebekova Damegýl Seıpattalqyzy — pedagog-horeograf

Tulǵanyń estetıkalyq kórkem mádenıettiligin qalyptastyrýda horeografıalyq óner estetıkalyq tárbıe berýdiń eń mańyzdy aspekti bolyp tabylady. Horeografıa bul — ásem qımyl, áýen, ádemi kıimder dúnıesi. Osy sulýlyqty balalar balet spektáklderinen, beıne fılmderden kórýge tyrysady. Osyǵan oraı paıda bolǵan olardyń pikirleri, oılary keıde qurmetpen qaraýdy talap etedi.

Kóptegen Qazaqstannyń bilim berý mekemelerinde horeografıa sabaqtaryn júrgizý keńinen taralǵan.

Túrli janrdaǵy bılerdi oryndaý kórkem daǵdylaryn tárbıelep, damytyp qana qoımaıdy, sonymen qatar sulýlyq zańynyn mánin túsinýge sáıkes balanyń daǵdy men tártip normasyn qalyptastyrýyna yqpalyn tıgizedi.

Horeografıalyq óner sabaqtary balanyń dene bitiminiń jáne rýhanı damýyna áser etedi. Bul úndestik sabaqtary balalarǵa da, ata-analarǵa tartymdy. Baletpen aınalysatyn balanyń dene symbattylyǵy tańdandyrady. Biraq ony qalyptastyrý prosesi óte uzaq ýaqytty jáne balanyń kóp qasıetterin talap etedi.

Tártiptilik, eńbekqorlyq jáne shydamdyq qasıetteri tek horeografıalyq synypta emes, sonymen qatar turmysta da qajet. Kóp isterdiń sátti bolýyn anyqtaıtyn bul qasıetter birneshe jyldar boıy pedagog-horeograf arqyly qalyptasady.

Horeografıamen aınalysatyn balalardy alǵa jeteleıtini, ómirde qajetti, jaýapkershilik sezimi. Óıtkeni, qasyndaǵy bıshi saǵan sený kerek, qalyp qoıýǵa bolmaıdy, bıde basqalar senen táýeldi bolady, ár qımyldy jaqsy mengerý tıis.

Horeografıalyq oryndaýda uqyptylyq, horeografıa synybyndaǵy muntazdaı kıimi mektepte júrgende de belgili. Olar ózderiniń symbattylyǵyn ǵana emes, sonymen qatar sándelgen shashymen, qarapaıym kıim kıgendegi tazalyǵy jáne syrbazdyǵymen erekshelenedi.

Horeografıa sabaqtarynyń taǵy bir ereksheligi — ádepti tárbıeleý. Horeografıa synybynyń balalary eshqashan úlkenniń aldyn kespeıdi, ul balalar avtobýstan shyqqanda qyzdarǵa qolyn usynyp, sómkesin alady. Bunyń barlyǵy adam kóńilin súısindiretin jaǵdaılar. Basqalarǵa kóńil bólip, qorǵaý — bala minezindegi qajetti qasıetter, horeografıa sabaqtary osy máselelerdi sheshedi.

Horeografıalyq óner balanyń shynaıy ómirin qunarlandyratyn jalǵasy bolyp keledi. Osy ónermen shuǵyldanýdyń ózi oǵan tolǵanystar jáne jaqsy sezimder uıalatady.

Búkil oqytý prosesiniń jáne estetıkalyq tárbıeniń negizgi maqsaty— shyǵarmashylyq tulǵa tárbıeleý.

Pedagog-horeograf balalardyń óner tilin túsinýin damytyp, qalyptastyrý kerek.

 

Paıdalanǵan ádebıetter:

1. Jıenkýlova Sh. Taına tansa.-Alma-Ata.: Mektep, 1989. 

2. M.S.Bogolúbskaıa. Mýzykalno-horeografıcheskoe ıskýsstvo v sısteme estetıcheskogo ı nravstvennogo vospıtanıa.Moskva, 1986.

---