InfoHub Logo

Baq bolmasa bap joq. Bapsyz baq joq. Qos uǵymnyń órimdeı órilgeni sonsha ekeýin esh ajyraǵysyz ba dersiń. Osy turǵyda óz tájirıbemdi tilge tıek etsem. Oqýǵa túsýdi ańsasań, eń áýeli, ańsaýdy qoı. Qareket qyl. Nıetti túze, baǵdaryńdy ońǵa bur. Bul men uqqan tálim. Úıretken - ómir mektebi. Sendeı em. Qıal qıyryna baspalap, realızmnen jyraqtaıtynmyn. Másele sonda. Bulardy teńdeı usta. Utylmassyń. Arman kerek ár adamǵa. Ol daýsyz. Obektıvtilik qajet. Bir anyq. Tán azyǵy qanshalyq mándi, jan azyǵy sonshalyq qundy. Este tut. Eńbek arqalaıdy, aqyl aldamaıdy. Túsersiń oqýyńa, sál kút. Jaı úzdikpe. Tyrbanyp-tyrmysyp úzil. Jemisi - grantyń! Baq kez kelgenniń basyna qona qoıar qus emes. Talǵampaz synshy. Adal ám arly adam - súıiktisi. Aram pıǵyldysy - súıkimsizi. Qaı jolmen qozǵalǵanyńa baılanysty. Baq pa, álde bap pa? Ekeýi de! Jan-júregińmen tile, kúlli oı-sanańmen qala, tyrmys, eńbek qyl. Bári de keler. Óz ýaqytymen...

---