InfoHub Logo

Kún saıyn ajyrasý habaryn estý úırenshikti jaǵdaıǵa aınaldy. Kúshti, berik mahabbatpen úılenip, 2 aıdan keıin ajyrasyp jatatyndar endi eshkimdi tań qaldyrmaıdy. Aınalamyzda alǵashqy kúngideı bir-birine ǵashyq, baqytty jandar kún saıyn azaıýda. Baqytty otbasyn qurý úshin tómendegi syrlarǵa asa mán berýimiz kerek :

— Erli-zaıyptylar keıde bolmashy nársege urysyp-kerisip jatatyny sózsiz. Ondaı kezde eń mańyzdysy juptardyń tym qatty ashýlanbaýy, shekten aspaýy jáne kútpegen áreketter jasamaýy qajet. Eger jubaıyńyz ashýly bolsa, siz jumsaq mámile jasańyz, kóńilin jaılandyrýǵa, ashýyn basýǵa tyrysyńyz. Keri qaıtarylmaıtyn sózder men is-áreketterden saqtanyńyz!

— «Bir urys kezinde maǵan daýys kóterdi» dep siz de urysýdan saqtanyńyz! Urysýmen eshnárse sheshilmeıdi.

— Eger daýlasýdan mindetti túrde bireýi jeńý kerek bolsa, zaıybyńyz jeńsin! Mahabbattyń bılikke talasatyn soǵys emes ekenin oılap áreket etińiz!

— Eshqashan burynǵy jasaǵan qatelikterin zaıybyńyzǵa qaıta-qaıta aıtyp esine túsirmeńiz! Búginge deıin eshkim ótkendi keri qaıtara almaǵan jáne eskini túzete almaǵan.

— Ne úshin úılengenińizdi umytpaýyńyz kerek. Qýanysh pen qaıǵyńyzdy bólisý úshin, ómirden eki ese artyq lázzat alý úshin úılengen joqsyz ba? 

— Sózderińizdiń bolymdy, súıispenshilikke toly jáne salmaqty bolýyna mán berińiz! Áıtpese eshnársege jaramaıdy.

— Bir jospar qurǵan kezde jubaıyńyzben aqyldaspasańyz, onyń pikirin suramasańyz nemese jora-joldastaryńyzǵa odan da artyq ýaqyt bólseńiz, qate jolda júrsiz degen sóz.

— Kúnine eń az bir ret ómirlik jaryńyzǵa ádemi sóz aıtyńyz! Jubaıyńyzdyń sizden ádemi sózdi estigen kezde qandaı baqytty bolatynyn baıqadyńyz ba?

— Qatelik jasasańyz qateńizdi moıyndańyz jáne keshirim surańyz. Qatelik jasaýyńyz dúnıeniń sońy emes. Bárinen mańyzdysy – qate jibergenińizdi túsinýińiz.

— Úıdegi tynyshtyqtyń eń negizgi qaǵıdalarynyń biri — syrttaǵy adamdarmen qalaı sypaıy jáne jaqsy mámilede bolsańyz, eń bolmasa sonyń jartysyn januıańyzǵa kórsetýińiz!

 

Oqýǵa keńes beremiz (tómendegi siltemelerdi basyp oqýyńyzǵa bolady):

Januıadaǵy tárbıe

Bala tárbıesindegi negizgi faktorlar

Bala tárbıesi besikten

Balanyń tabysqa jetýine kedergi keltiretin ata-ana tárbıesindegi 7 qatelik

Balany tárbıeleýdiń 4 kezeńi

Janjalsyz januıa

Patsha balasynyń erkeligi

Ǵıbrat – Bala tilimen

Rýhanı myqty balalardy tárbıeleýge arnalǵan 8 oıyn

Tym balajandyq

Uıada ne kórseń, ushqanda sony ilersiń

Ertegi aıtý

---