InfoHub Logo

Birde kók kıt balasymen birge Atlant muhıtynda júzip kele jatady. Bir kezde aldarynan bulttaı úgilgen aq tústi plaktonǵa kezdesedi.

— Bul bizdiń súıikti asymyz, qara, — dep anasy aýzyn ashyp jutyp jiberedi.

Endi bir sátte aldarynan kóptegen usaq-túıek shaıan jolyǵady.

— Mine, qara, — dep anasy shaıandardy da juta jóneledi.

Kók muhıtta biraz júzgen soń aldarynan qaıyq kórinedi.

— Bul ne? — dep suraıdy kıttiń balasy.

— Bul — qaıyq.

— Al qasynda turǵan bizden de alyp nárse ne?

— Bul — keme.

— Qandaı úlken!

— Úlkeni úlken. Ony adam jasaǵan.

— Adam degen kim?

— Mine, mynalar, qara, — dep anasy qaıyqtyń janynda sýda júzip bara jatqandardy kórsetedi.

— Bulardy manaǵydaı jutpaısyz ba?

— Jutýǵa bolmaıdy.

— Nege?

— Sebebi kóp.

— Sebepterin aıtyńyzshy.

— Birinshiden, bul adam bizdiń óńeshimizge syımaıdy.

— Óńesh degen ne?

— Ony óskende bilesiń. Ári ár zattyń kólemine qarap óńeshtiń kólemine syıatyndaı etip qorektenesiń.

— Al jaqsy adamǵa baryp qorqytpaımyz ba?

— Bolmaıdy.

— Nege?

— Óıtkeni bul adamdar bizden kúshti. Ana alyp kemeni jasaǵan adamdar kerek dese bizdi de aýlaıdy. Bular kezinde bizdiń ata-babalarymyzdy talaı ret aýlaǵan. Qazir de bizge jyrtqyshtyq kózben qaraıdy. Odan da bulardan boıymyzdy aýlaq ustaǵanymyz jón.

Osylaısha alyp deneli kók kıt pen onyń balasy qaıyqtyń janynda júzip júrgen adamdarǵa tıispeı ári qaraı kete bardy...

---