InfoHub Logo

Bastaýysh synypta ınformatıka pánin oqytýda «Kollaj» tehnologıasyn tıimdi qoldaný.

Aqparattaný dáýirinde ǵylymı - tehnıkalyq úrdistiń qarqyny jedel damý ústinde. Osyǵan baılanysty elimizde bilim alýdyń jańa júıesi jasalyp, álemdik bilim berý keńistigine enýge baǵyt alýda. Sondyqtan da árbir tulǵa engizilgen jańa tehnologıanyń úzdiksiz ózgeristerine beıimdele alýy kerek.

Búgingi bilim alý - oqýdyń mazmuny aspektisi tereń, jan - jaqty ári ǵylym men tájirıbe talaptaryna saı keletin bilimmen qarýlaný maqsatyn kózdeıdi.
Qazirgi ýaqytta bastaýysh synypta ınformatıka pánin oqytý úrdisinde pán muǵalimi úshin qolaısyz jaǵdaılar týyndap otyr. Óıtkeni keıbir balalar kompúterde otyrý kezinde basynyń aınalyp, kóziniń qyzaryp aýyrǵandyǵyn aıtyp, muǵalimge jıi shaǵymdanady. Osy sebepterge baılanysty ıaǵnı bas súıegi qan qysymy, kóz aqaýlarynyń áserinen oqýshylar kompúterge erekshe qyzyǵýshylyq tanytqanymen, monıtor aldynda uzaq otyrýǵa múmkindigi joq.
Osy oraıda oqýshynyń densaýlyǵyn jaqsartý maqsatynda, tanymdylyq belsendilikti arttyratyn keıbir sabaqtardy kompúterdiń kómeginsiz de ótkizýge bolatyn «Kollaj» tehnologıasyn usynar edim. Bul tehnologıany sabaq berý úrdisinde japsyrmaly qaǵaz túrinde nemese elektrondy túrde ınteraktıvti taqtanyń múmkindikterin paıdalana otyryp Astivstudio baǵdarlamasynda utymdy qoldanýǵa bolady.
«Kollaj» bilim berý tehnologıasyn shet tilin oqytý barysynda Germanıa, Portýgalıa, AQSH, Ispanıa elderiniń ustazdary keńinen qoldanýda.
«Kollaj» - japsyrý degen maǵynany bildiredi. Oqý prosesinde ár túrli ózekti aqparattty qoldaný kollaj bolyp tabylady.
Kollajben jumys jasaýdyń negizgi maqsaty:
Oqýshynyń ózindik izdený jumystarynda potensıaldy múmkindikterin keńeıtip, asha túsý. Bul tehnologıamen jumys barysynda negizinen toptyq jumys júrgizilip, jobalar qorǵalady.
Jobamen jumys negizinen 6 kezeńnen turady:

1 - kezeń. Assosıogramma qurý. Assosıogramma – qandaı da bir túsiniktiń mán - maǵynasyn assosıatıvti baılanysy arqyly ashý. Osyndaı jumystar muǵalim men oqýshy arasyndaǵy ózara baılanysty nyǵaıta túsedi.
Mysaly, muǵalim «Informatıka» sózin aıtqanda oqýshynyń kókeıinde aqparat, kompúter, ǵylym, baǵdarlamalyq jabdyqtama, obekt t. b sózderi asosıasıalanady.
Oqýshylardyń jeke qurastyrǵan asosıasıalaryn toptyq turǵydan birigip talqylaý kerek.

Bastaýysh synypta ınformatıka pánin oqytýda «Kollaj» tehnologıasyn tıimdi qoldaný. júkteý