InfoHub Logo

… Túske taıaý Sansyzbaı aǵaı tústik ázirligine kirisýdi eskertti. Ul balalarǵa qolaıly jerden oshaq qazyp, otyn jıýdy tapsyrdy da, ózi qarmaǵyn alyp ózen­ge qaraı ketti. Daıyn bol­ǵan oshaqqa qazan asyp, sý toltyrǵan qyzdar, ile arshy­ǵan kókónisterin ákep sala bastady. Biz jeksenbi kúni taý arasynda serýen quryp júrgen bolatynbyz.

Birazdan keıin aǵaı qaıtyp keldi. Qolynda tórt balyq. Qarmaǵyn qoıa saldy da, dereý tazalaýǵa kiristi. Bul kezde qazandaǵy sý da qaınaı bastaǵan edi.

Uzamaı aǵaı tap-tuınaqtaı tazalanǵan balyqtardyń ishine qazandaǵy pisken kartop, sábiz, pıaz, sarymsaqtardy salýǵa kiristi. Biz tańyrqap qarap turmyz. Artynsha aǵaı balyqtardy folga qaǵazyna orady. Sóıtti de, olardy syrtynan qalyń etip saz balshyqpen sylap, oshaqtaǵy qyzyl shoqqa kómdi.

Az-kemnen keıin qoz astyn­daǵy kúldi-kómesh kómbeni qazyp aldy. Bylqyldaǵan balshyq áldeqashan tas kesekke aınalypty. San­syzbaı aǵaı endi kepken qabyrshyqtardy ýatyp, arshı bastady. İshindegi balyqtyń bylqyp piskeni kórinip tur. Iisi muryn jarady. Qarap turyp silekeıimiz shubyrdy.

Tańsyq dámdi ortaǵa alyp, aýyz tıýge kiristik. Iisi muryn jarǵan tamasha taǵamnyń dámi de til úıir­gendeı eken.

Biz Sansyzbaı aǵaıdyń ónerine tánti bolyp, qol soqtyq.

---